मत कर रे मना तूं इतणो रोष,
Mat Kar Re Mana Tun Itano Rosh,
1692
मत कर रे मना तूं इतणो रोष, — Lyrics
मत कर रे मना तूं इतणो रोष, पावै दु:ख जीवड़लो।।
बणै रूप विद्रूप है दर्पण में तूं देख, हुवै सांस गति तेज है रैहवै नहीं विवेक, सन्निपात में ज्यूं नर खोवै अपणो होश।।१।।
पीढ़यां रा संबन्ध भी टूट पड़ै तत्काल, है तनाव छायो रहै बणै मिनख बेहाल, प्रगटै भीतर में है और अनेकां दोष।।२।।
औरां नै है बदलणो काम नहीं आसान, पर री चिन्ता छोड़ तूं दै अपणै पर ध्यान, होसी जीवन में तूं सफल मिट्यां आक्रोश।।३।।
उठै तेज तूफान पिण होवै आखिर शांत, कायर दुर्बल मनुज ही होवै है दिगश्रान्त, करणो पड़ै अन्त में उणनै भी अफसोस।।४।।
कर्म शत्रवां स्यूं अरे लड़ दिखळा दो हाथ, प्रेमभाव सब में जगा बणणो है जो नाथ, विजय है सचमुच यदि भीतर में थारै जोश।।५।।
Roman Transliteration
mat kar re mana tun itano rosh, pavai du:kh jivadlo..
banai rup vidrup hai darpan men tun dekh, huvai sans gati tej hai raihvai nahin vivek, sannipat men jyun nar khovai apano hosha..1..
pidhyan ra sambandha bhi tut padai tatkal, hai tanav chhayo rahai banai minakh behal, pragtai bhitar men hai aur anekan dosha..2..
auran nai hai badalno kam nahin asan, par ri chinta chhod tun dai apanai par dhyan, hosi jivan men tun saphal mityan akrosha..3..
uthai tej tuphan pin hovai akhir shant, kayar durbal manuj hi hovai hai digashranta, karno padai anta men unanai bhi aphasosa..4..
Karm shatravan syun are lad dikhla do hath, prembhav sab men jaga banno hai jo nath, vijay hai sachmuch yadi bhitar men tharai josha..5..