[१०६]
[106]
1737
[१०६] — Lyrics
[१०६] म्हे तो देवां हो बधायां थानै घणी रे घणी तप साधना स्यूं पाई थे तो शिव सरणी। मासखमण थारों भारी दीपै, जाणै मोल्यां री माला में ओपै नील मणी।।
खाणो-पीणो दिन भर चालै, गमती चीजां दूणी खालै। लेकिन दोरी लागै एक दिन भी भूख खमणी।।
चाय बिना तो माथो दूखै, रोटी बिना आ काया सूखै। दोरी काया पर कुल्हाड़ी ब्हाणी सोरी कहणी।।
तप निरमल गंगा री धारा, धुल ज्यावे है पातक सारा। भव-सिंधु रै किनारै ल्यावै तप तरणी।।
तप स्यूं मन री शांति मिलै है, तप स्यूं सद्गुण फूल खिलै है। विरला शूर वीर कर पाव तप करणी।।
तप री चिरागां घणां जलावै, जस कीरत स्याबासी पावै। कर्म निर्जा हित पड़सी वासना ने दमणी।।
नन्दनवन सो शासन पायो, निखर्यो है तप तेज सवायो। पाया तुलसी-पटधर महाप्रज्ञ गुरु नादमणी।।
Roman Transliteration
[106] mhe to devan ho badhayan thanai ghani re ghani tap sadhna syun pai the to shiv sarni. masakhaman tharon bhari dipai, janai molyan ri mala men opai nil mani..
khano-pino din bhar chalai, gamti chijan duni khalai. lekin dori lagai ek din bhi bhukh khamni..
chay bina to matho dukhai, roti bina a kaya sukhai. dori kaya par kulhadi bhani sori kahni..
tap niramal ganga ri dhara, dhul jyave hai patak sara. bhav-sindhu rai kinarai lyavai tap tarni..
tap syun man ri shanti milai hai, tap syun sadgun phul khilai hai. virla shur vir kar pav tap karni..
tap ri chiragan ghanan jalavai, jas kirat syabasi pavai. Karm nirja hit padsi vasna ne damni..
nandanavan so shasan payo, nikharyo hai tap tej savayo. paya Tulsi-patadhar Mahapragya Guru nadamni..