[१२१]
[121]
1752
[१२१] — Lyrics
[१२१] आओ प्रगटावां आपां जागरण रो दिवलो, च्यारूं कूंटा च्यानणो दुनियां में करसी। दीया हजारां ही जलासी म्हारो दिवलो, जगमगाती जोत अंधियारो हरसी।।
बंजर धरती पर म्हे फूल खिलास्यां, हिलमिल रोशणी री फसल उगास्यां। सूरज चांद ने म्हे आंगणै बुलास्यां, झिलमिल तारां री जाजम बिछास्यां। ऊर्जा रा भण्डार भगवान ए विराजै, पत्थर री अहिल्या में ए प्राण भरसी।।
हाथां में क्रान्ति री थाम्यां मसालां पगल्या ए म्हाशया आगै बढैला। रीति-रिवाजां री टूटेली बेड्यां, रूढ्यां री भीतां अब ना टिकैला। अटकी पड़ी है नौका म्हारी मझधार में थानै तो पार लगायां सरसी।।
जागी है सदियां स्यूं सोयोड़ी नारी सामे अनेकां खड़ी है चुनौत्यां। नारी है लक्ष्मी शक्तिस्वरूपा,
औरां री कांई करणी मनौत्यां। ल्यावै है बहारां नारी घर-परिवार में, बी री मुस्कान में मोतीड़ा झरसी।।
संयम, सादगी, शालीनता ए, आदर्श म्हांरा जीवन्त रैसी जीवन रा पल करस्यां निछावर, संकेत जो भी गुरुदेव देसी। इमरत झरणां खिण-खिण नयणां स्यूं बरसै मंगल कलश आपां रा भरसी।।
Roman Transliteration
[121] ao pragtavan apan jagaran ro divlo, chyarun kunta chyanno duniyan men karsi. diya hajaran hi jalasi mharo divlo, jagamgati jot andhiyaro harsi..
banjar dharti par mhe phul khilasyan, hilmil roshni ri phasal ugasyan. suraj chand ne mhe anganai bulasyan, jhilmil taran ri jajam bichhasyan. urja ra bhandar Bhagwan e virajai, patthar ri ahilya men e pran bharsi..
hathan men kranti ri thamyan masalan pagalya e mhashya agai badhaila. riti-rivajan ri tuteli bedyan, rudhyan ri bhitan ab na tikaila. ataki padi hai nauka mhari majhdhar men thanai to par lagayan sarsi..
jagi hai sadiyan syun soyodi nari same anekan khadi hai chunautyan. nari hai Lakshmi shaktisvarupa,
auran ri kani karni manautyan. lyavai hai baharan nari ghar-parivar men, bi ri muskan men motida jharsi..
sanyam, sadgi, shalinta e, adarsha mhanra jivanta raisi jivan ra pal karasyan nichhavar, sanket jo bhi Gurudev desi. imarat jharnan khin-khin naynan syun barsai Mangal kalash apan ra bharsi..