[३६]
[36]
1787
[३६] — Lyrics
[३६] धर्म रम्यो जाणै रग-रग में, हुयो च्यानणो मन-मग में, ले घणो सुहाणो रंग हो, आया पजूषण।। तप संयम री गंगा में, त्याग विराग तरंगां में, नहा बणस्यां आज सुरंग हो, आया पजूषण।।
बीत्यो काल अनन्तो जिवड़ो, रुल्यो अन्धेरी घाट्यां में, नहीं स्वयं रो रूप पिछाण्यो, उलझयो भ्रम री आन्ट्या में। राच्यो खेल तमाशा में, समय बितावै तासां में, गहरो मूर्च्छा रो जंग हो, जद कियां रुचै सत्संग हो।।
जैन धर्म रो प्राण पजूषण, सब पर्वा रो है राजा, नहीं मनोरंजन, आडम्बर, नाच-गान, गाजा-बाजा। ल्यायो धर्म बहारां है, निर्मल मैत्री धारा है, जागृति रो स्वर्ण प्रसंग हो, आया पजूषण।।
हर्यो भर्यो है धर्म बगीचो, शास्त्र वचन अमृत बरसै, महावीर स्वामी रो जीवन वृत्त, सुण्यां तन-मन हरसै। मिलै प्रेरणा उपशम री, इन्द्रिय मन रे संयम री, बाजै स्वाध्याय मृदंग हो, आया पजूषण।।
छोटा-मोटा टाबरियां नै, कोड़ धर्म रो लागै है, तप-जप सामायिक पोषां, रो जोश अनोखो जागै है। लियां हाथ में माला है, पिवै ज्ञान रा प्याला है, कण-कण में नयी उमंग हो, आया पजूषण।।
अन्तर्मुख बण करां साधना, सोयी शक्ति जगावांला, आध्यात्मिकर-प्रवचन सुण सुणकर नई रोशनी पावांला। महाप्रज्ञ गण उजियारा, तुलसी गुरुवर रखवारा नन्दन-वन सो ओ संघ हो, धरती रो भूषण।।
Roman Transliteration
[36] Dharm ramyo janai rag-rag men, huyo chyanno man-mag men, le ghano suhano rang ho, aya pajushan.. tap sanyam ri ganga men, tyag virag tarngan men, naha banasyan aj surang ho, aya pajushan..
bityo kal ananto jivdo, rulyo andheri ghatyan men, nahin svayam ro rup pichhanyo, ulajhyo bhram ri antya men. rachyo khel tamasha men, samay bitavai tasan men, gahro murchchha ro jang ho, jad kiyan ruchai satsang ho..
Jain Dharm ro pran pajushan, sab parva ro hai raja, nahin manoranjan, adambar, nach-gan, gaja-baja. lyayo Dharm baharan hai, nirmal maitri dhara hai, jagriti ro svarna prasang ho, aya pajushan..
haryo bharyo hai Dharm bagicho, shastra vachan amrit barsai, Mahavir Swami ro jivan vritta, sunyan tan-man harsai. milai prerna upasham ri, indriy man re sanyam ri, bajai svadhyay mridang ho, aya pajushan..
chhota-mota tabriyan nai, kod Dharm ro lagai hai, tap-jap Samayik poshan, ro josh anokho jagai hai. liyan hath men mala hai, pivai jnan ra pyala hai, kan-kan men nayi umang ho, aya pajushan..
antarmukh ban karan sadhna, soyi shakti jagavanla, adhyatmikar-pravachan sun sunakar nai roshni pavanla. Mahapragya gan ujiyara, Tulsi guruvar rakhvara nandan-van so o Sangh ho, dharti ro bhushan..