[६०]
[60]
1811
[६०] — Lyrics
[६०] पायो पूनम रै चांदड़लै-सो ओ नर जीवन अनमोल जागी पुनवानी थारी पूरबली।। छाई गहरी नींदड़ली स्याणां! अब तो आंख्यां खोल।। जागी...
च्यार अंग अति दुर्लभ बीं में मानव जीवन पेलो धर्म-श्रवण, श्रद्धा संयम में वीर्य अगम ओ गेलो थाक्यो, तट पर आकर क्यूं अपणै भीतर नै टंटोल।।
सुबह हुई अर सांझ ढली, यूं लाखीणो दिन बीतै, सांस-सांस में एक-एक जीवन री घड़ली रीतै भूल्यो, खुद नै, राच्यो है नश्वर विषयां री रमझोल।।
सत् संगत है चन्द्रकांत मणि, जिनवाणी है किरणां प्रेक्षाध्यान, अणुव्रत शीतल जल रा निर्मल झरणां सोनो बणसी जीवन संजीवन अर्हं अर्हं बोल।।
माटी री आ काया आखिर माटी में मित्र ज्यासी धर्म कमाई कर लै खिण-खिण आ ही आड़ी आसी पासी मंजिल राखीजे दोन्यूं कदम सदा समतोल।।
दान, शील, तप, भाव शुद्धि स्यूं, जीवन बणै अनाविल, तुलसी-महाप्रज्ञ करुणा स्यूं 'कनक' निकट है मंजिल। होसी छुटकारों भव-बन्धन स्यूं तू उलझी गाठां खोल।।
Roman Transliteration
[60] payo punam rai chandadlai-so o nar jivan anamol jagi punvani thari purabli.. chhai gahri nindadli syanan! ab to ankhyan khol.. jagi...
chyar ang ati durlabh bin men manav jivan pelo Dharm-shravan, shraddha sanyam men virya agam o gelo thakyo, tat par akar kyun apanai bhitar nai tantol..
subah hui ar sanjh dhali, yun lakhino din bitai, sans-sans men ek-ek jivan ri ghadli ritai bhulyo, khud nai, rachyo hai nashvar vishyan ri ramjhol..
sat sangat hai chandrakant mani, jinvani hai kirnan prekshadhyan, Anuvrat shital jal ra nirmal jharnan sono bansi jivan sanjivan arhaam arhaam bol..
mati ri a kaya akhir mati men mitra jyasi Dharm kamai kar lai khin-khin a hi adi asi pasi manjil rakhije donyun kadam sada samtol..
dan, shil, tap, bhav shuddhi syun, jivan banai anavil, Tulsi-Mahapragya karuna syun 'kanak' nikat hai manjil. hosi chhutkaron bhav-bandhan syun tu ulajhi gathan khol..