[७३]

Roman Transliteration

[73] jale Dharm ki jot, karen udyot, samay anukul hai, pag-pag barse tap-sanyam ke phul hain, ho samay.....

kal-kal karti chhal-chhal karti adhyatmik nadiyan ai, Dharm bagiche ki karlen is adbhut jal se sinchai.

rishiyon ka yah desh, saral parivesh, supavan dhul hai, bhaktiyog ka odhe sukhad dukul hai..

tejasvi hai Sangh hamara, ojasvi hai ganmali, hari-bhari sadgun sumnon se Sangh vriksha ki har dali. gan ka ek vidhan, ek Guru an, abhang kabul hai, anushasan ka bhang bhayankar bhul hai..

shravak aur shravikaen bhi Sangh bhavan ke hain pahri, amar bana itihas unhin ka jinmen gan nishtha gahri. jinko gan se prit, shuddha ho nit, sada mashgul hai, Sangh pot ki maryada mastul hai..

sochen miljul is pavan ko kaise saphal banana hai, dharmik mahayajna men kisko kya-kya bhent chadhana hai. jage sab men josh, kam ho thos, samarpan mul hai, keval narebaji yahan phijul hai..

mahapran Tulsi se, Mahapragya se pa jivan-urja, prejnadip jale ghar-ghar men, atma Dev ki ho puja. meten man ke klesh, rag aur dvesh, bane nirmul hain, sabha bhavan ban jae trening skul hai..