[९०]
[90]
1844
[९०] — Lyrics
[९०] आयो चौमासो, लिया उजासो, लहरै धर्म समन्दरियो। त्याग-तपस्या रै बादकियां स्यूं शोमै गण अम्बरियो।।
मधरो-मधरो गहरो घन स्वाध्याय-जाप रो नित गाजै, प्रेक्षा री पिछवा अपुव्रत-अनुकूल बायरो है बाजै। बरसे धारासार मेहलो, भरसी संयम सरवरियो।।
कन्दमूल पचखाण, सचित रा, निशि भोजन रा त्याग करो, क्षमा, शान्ति, ऋजुता, मृदुता, समता स्यूं दृढ़ अनुराग करो। जिनवाणी रै विमल सलिल स्यूं खिलसी जीवन तरुवरियो।।
प्रात: दर्शन और प्रार्थना, सायं अर्हत् वन्दन में, हुवे सम्मिलित नियमित, मोजां करसी आतम नन्दन में। सामायिक, पोषां, उपवासां स्थूं निखरे मन-मन्दरियो।।
तेला, चोला, पंचोला रो, लागै ठाठ अठायां रो, जोश जागसी पक्ष मास-तप में भी भाया-बायां रो। हिम्मत री कीमत होवै थे, कायर बणकर मत डरियो।।
बाग धरम रो बण्यो सुरंगो रंग-बिरंगा फूल खिल्या, तीर्थंकर-सा तारक तुलसी, महाप्रज्ञ गणनाथ मिल्या। 'कनक' बणां पावन पावस में, रखवारों है सांवरियों।।
Roman Transliteration
[90] ayo chaumaso, liya ujaso, lahrai Dharm samandariyo. tyag-tapasya rai badkiyan syun shomai gan ambariyo..
madhro-madhro gahro ghan svadhyay-jap ro nit gajai, Preksha ri pichhva apuvrat-anukul bayro hai bajai. barse dharasar mehlo, bharsi sanyam saravriyo..
kandamul pachkhan, sachit ra, nishi bhojan ra tyag karo, Kshama, shanti, rijuta, mriduta, samta syun dridh anurag karo. jinvani rai vimal salil syun khilsi jivan taruvriyo..
prat: darshan aur prarthana, sayam arhat vandan men, huve sammilit niymit, mojan karsi atam nandan men. Samayik, poshan, upavasan sthun nikhre man-mandariyo..
tela, chola, panchola ro, lagai thath athayan ro, josh jagsi paksha mas-tap men bhi bhaya-bayan ro. himmat ri kimat hovai the, kayar banakar mat dariyo..
bag dharam ro banyo surngo rang-birnga phul khilya, Tirthankar-sa tarak Tulsi, Mahapragya gannath milya. 'kanak' banan pavan pavas men, rakhvaron hai sanvriyon..