[९६]
[96]
1851
[९६] — Lyrics
[९६] तप स्यूं आतमा रो उद्धार, ओ है सब धर्मा रो सार। जीवन निखरै रे, जीवन निखरे रे ऽऽ निखरे रे।।
संयम तप स्यूं कर्मा री, जंजीरा टूटै हो, मनड़ै ने साध्यो तन री, आसक्ति छूटै हो। तप री गंगा में जो नहावै, बीं रा पातक सै धुल ज्यावै।।
भव है भयंकर अटवी, सघन अंधेरो है, परतंत्र प्राणी भटकै, माया रो घेरो है। नहिं गमै ज्ञान री बातां, टी.वी. देख बितावे रातां, तासां खेल गमावै रातां, मन नहिं सुधरै रे।।
कर्मा रै हलकापण स्यूं, मिलै है उजासो रे, महाप्रज्ञ प्रभु री करुणा स्यूं मिलयो ओ चोमासो रे। उतरी सौ-सौ उजली किरणां, बहग्या तप रा इमरत झरणा।।
तप री रौनक स्यूं लागै, धर्म स्थल सुन्दर हो, मासिक तप आराधन स्यूं, दीपै तन मन्दिर हो। देवै थानै 'कनक' बधाई, ऊर्जा सांवरियो बरसाई।। शासन माता है वरदायी।।
धनु : दीज्यो वीरै नै सन्देश...
Roman Transliteration
[96] tap syun atama ro uddhar, o hai sab dharma ro sar. jivan nikhrai re, jivan nikhre re nikhre re..
sanyam tap syun karma ri, janjira tutai ho, mandai ne sadhyo tan ri, asakti chhutai ho. tap ri ganga men jo nahavai, bin ra patak sai dhul jyavai..
bhav hai bhayankar atavi, saghan andhero hai, paratantra prani bhatkai, maya ro ghero hai. nahin gamai jnan ri batan, ti.vi. dekh bitave ratan, tasan khel gamavai ratan, man nahin sudhrai re..
karma rai halkapan syun, milai hai ujaso re, Mahapragya Prabhu ri karuna syun milyo o chomaso re. utari sau-sau ujali kirnan, bahagya tap ra imarat jharna..
tap ri raunak syun lagai, Dharm sthal sundar ho, masik tap aradhan syun, dipai tan mandir ho. devai thanai 'kanak' badhai, urja sanvriyo barsai.. shasan mata hai vardayi..
dhanu : dijyo virai nai sandesh...