[९९]
[99]
1854
[९९] — Lyrics
[९९] तप रै झूलै में झूल्यां आनन्द आवै है। आनन्द आवै है कि झूल्यां आनन्द आवै है।।
ऋषभ, अजित, सम्भव, अभिनन्दन, सुमति, पद्म सुखकारी है, श्री सुपार्श्व, चन्दाप्रभु, सविधि, शीतल प्रभु भयहारी है। श्री श्रेयांस वासुपूज्य जिन, जन-जन ध्यावै है।।
विमल, अनन्त, धर्म जिनवर, श्री शान्ति, कुन्थु उपकारी रे, अर्हत् अर, मल्ली, मुनि सुव्रत, नमि जिन महिमा न्यारी रे। नेमी, पारस, वीर चरण में, शीष झुकावै है।।
आर्य भिक्षु, श्री भारमल्ल , ऋषिराय जीत जयकारी रे, मघवा, माणक, डालगणी, श्री कालू विभुताधारी रे। तुलसी, महाप्रज्ञ जिन-शासन, जबर दिपावै है।।
अमृत, कोदर, भीम रामसुख, शिवमुनि महातपस्वी रे, महासती अणचां, पन्नां रो जीवन बड़ो यशस्वी रे। आंरो सुमिरण भी कण-कण में सत्व जगावै है।।
तपोयोग स्यूं साधक देखो संयम समता साथी रे, कष्ट सहन में प्रबल मनोबल मोक्षमार्ग आराधै। साध्वी मण्डल गीत सुणाकर भाव बढ़ावै है।।
तप रो महायज्ञ पावस में धूमधाम स्यूं चालै रे, आन बान शान स्यूं साधक कड़ी चुनौत्यां झालै रे। तेरापंथ संघ नन्दन वन 'कनक' सुहावै है।।
Roman Transliteration
[99] tap rai jhulai men jhulyan ananda avai hai. ananda avai hai ki jhulyan ananda avai hai..
Rishabh, ajit, sambhav, abhinandan, sumti, padma sukhkari hai, shri suparshva, chandaprabhu, savidhi, shital Prabhu bhayhari hai. shri shreyans vasupujya Jin, jan-jan dhyavai hai..
vimal, ananta, Dharm jinavar, shri shanti, kunthu upakari re, arhat ar, malli, Muni suvrat, nami Jin mahima nyari re. nemi, paras, vir charan men, shish jhukavai hai..
arya Bhikshu, shri bharamalla , rishiray jit jaykari re, Maghava, Manak, Dalgani, shri Kalu vibhutadhari re. Tulsi, Mahapragya Jin-shasan, jabar dipavai hai..
amrit, kodar, bhim ramsukh, shivmuni mahatapasvi re, mahasti anachan, pannan ro jivan bado yashasvi re. anro sumiran bhi kan-kan men satva jagavai hai..
tapoyog syun sadhak dekho sanyam samta sathi re, kashta sahan men prabal manobal mokshamarga aradhai. Sadhvi mandal git sunakar bhav badhavai hai..
tap ro mahayajna pavas men dhumdham syun chalai re, an ban shan syun sadhak kadi chunautyan jhalai re. Terapanth Sangh nandan van 'kanak' suhavai hai..