ढ़ंढण ऋषि
Dhandhan Rishi
1868
ढ़ंढण ऋषि — Lyrics
ढ़ंढण ऋषि
ढंढण ऋषिजी ने वंदना हूं वारी, उत्कृष्टो अणगार रे, हूं वारी लाल अभिग्रह एहवो आदरयो हूं वारी, लब्धीए लेस्यूस्यूं आहार रे, हूं वारी लाल। ढंढण।।१।।
प्रतिदिन उठे गोचरी हूं वारी, न मिलै सूजतो भात रे। मूल न लैवो असूजतो हूं वारी, पिंजर होय गयो गात रे।।२।।
सुमति गुप्ति गुण आगलो हूं वारी, करण चरण चित धार रे सुविनीत नेम जिनंद नों हूं वारी, साथे करत विहार रे।।३।।
जनपद मैं जन तारवा हूं वारी, करता उग्र विहार रे। द्वारका नगर समोसर्या हूं वारी, ढंढण ऋषि पिण लार रे।।४।।
खबर लही हरखियो हूं वारी, चाल्यो जिन वंदन धर कोड रे। भव-भव पाप निकदवा हूं वारी, आया बिहूं कर जोर रे।।५।।
हरि पूछे श्री नेम नें हूं वारी, मुनिवर सहंस अठार रे। उत्कृष्टो ऋषि एहमां हूं वारी, तप जप नों भंडार रे।।६।।
ढंढण अधिको दाखियो हूं वारी, श्री मुख नेम जिनंद रे। कृष्ण उमाह्यो वांदवा हूं वारी, धन्य जादव कुलचंद रे।।७।।
जिन वचनें श्री कृष्ण ने हूं वारी, उपनो प्रेम अपार रे। ढंढण ऋषि चित में वस्यो हूं वारी, आव्या नगर मझार रे।।८।।
(लय : हूं तुझ आगल स्यू कहूं)
गलियारै मुनिवर मिल्या हूं वारी, वादे कृष्ण नरेश रे। किण ही गाथापति देखने हूं वारी, आण्यो भाव विशेष रे।।९।।
आवो मुझ घर आंगणै हूं वारी, ल्यो मोदक भरपूर रे। ऋषिजी बहिरी पांगुर्या हूं वारी, पहुंच्या नेम हजूर रे।।१०।।
मुझ-लब्धे मोदक मिल्या हूं वारी, आप ग्रहो जगतार रे। लब्धि नहीं छै ताहरी हूं वारी, श्रीपति लब्धिनों आहार रे।।११।।
पाछिल भव हूं कुण हूंतो हूं वारी, घर नो आगेवाण रे। सहंस बहल हल सांचता हूं वारी, तैं दीधी अंतराय रे।।१२।।
तो ए मुझ कलपे नहीं हूं वारी, परठण चाल्या धर हूंस रे। ईंट निहाडे आय ने हूं वारी, चूरै कर्मा रा वंश रे।।१३।।
निर्मल भाव आया तिंहा हूं वारी, पाम्या पूरण ज्ञान रे। कर्म खपाय मुगते गया हूं वारी, त्यां अनंत सुखां री खान रे। १४।।
Roman Transliteration
dhandhan rishi
dhandhan rishiji ne vandna hun vari, utkrishto anagar re, hun vari lal abhigrah ehavo adaryo hun vari, labdhie lesyusyun ahar re, hun vari lal. dhandhana..1..
pratidin uthe gochri hun vari, n milai sujto bhat re. mul n laivo asujto hun vari, pinjar hoy gayo gat re..2..
sumti gupti gun agalo hun vari, karan charan chit dhar re suvinit nem jinand non hun vari, sathe karat vihar re..3..
janapad main jan tarva hun vari, karta ugra vihar re. dvarka nagar samosarya hun vari, dhandhan rishi pin lar re..4..
khabar lahi harkhiyo hun vari, chalyo Jin vandan dhar kod re. bhav-bhav pap nikadva hun vari, aya bihun kar jor re..5..
hari puchhe shri nem nen hun vari, munivar sahans athar re. utkrishto rishi ehaman hun vari, tap jap non bhandar re..6..
dhandhan adhiko dakhiyo hun vari, shri mukh nem jinand re. Krishna umahyo vandva hun vari, dhanya jadav kulachand re..7..
Jin vachnen shri Krishna ne hun vari, upano prem apar re. dhandhan rishi chit men vasyo hun vari, avya nagar majhar re..8..
(lay : hun tujh agal syu kahun)
galiyarai munivar milya hun vari, vade Krishna naresh re. kin hi gathapti dekhne hun vari, anyo bhav vishesh re..9..
avo mujh ghar anganai hun vari, lyo modak bharpur re. rishiji bahiri pangurya hun vari, pahunchya nem hajur re..10..
mujh-labdhe modak milya hun vari, ap graho jagtar re. labdhi nahin chhai tahri hun vari, shripti labdhinon ahar re..11..
pachhil bhav hun kun hunto hun vari, ghar no agevan re. sahans bahal hal sanchta hun vari, tain didhi antaray re..12..
to e mujh kalpe nahin hun vari, parathan chalya dhar huns re. int nihade ay ne hun vari, churai karma ra vansh re..13..
nirmal bhav aya tinha hun vari, pamya puran jnan re. Karm khapay mugte gaya hun vari, tyan anant sukhan ri khan re. 14..