निर्वाण ज्योति
Nirvan Jyoti
49
निर्वाण ज्योति — Lyrics
आओ दीवाली मनावां, आपां वर्धमान गुण गावां, मन मन्दिर नै साफ बणावां । म्हांनै वीर प्रभु रो नाम प्यारो प्यारो लागे । गणधर गौतम रै शरणे स्यूं संकट दूर भागे ।
त्रिशला रा दुलारा प्यारा, सिद्धारथ रा लाल है, वैशाली रा कुंवर लाडला, चमकै भाल विशाल है । भरी जवानी में घर त्याग्यो, धन दौलत सब माल है, कुंकुम, केसर, चन्दन, दीप, पूजा रो ओ थाल है । थांरो पल—पल ध्यान लगावां, ज्योति ज्ञान री जगावां, म्हांनै वीर प्रभु रो नाम प्यारो प्यारो लागै ।।
धरती रै कण—कण में गूंजे, वीर प्रभु रा गीत है, खुद पर संयम करणे वालो, पावै जग में जीत है । आवो म्हांरा बंधन तोड़ो, लागी थांस्यूं प्रीत है, करै जिस्या फल पावै आखिर, आही जग री रीत है । बन्धन करमां रा हटावां, चिन्मय चेतन म्है बण ज्यावां, म्हांनै वीर प्रभु रो नाम प्यारो प्यारो लागे ।।
चण्डकौशियो चरण शरण में, आकर निज उद्धार कर्यो, दर—दर घूमी चन्दनबाला, रो भारी उपकार कर्यो । अर्जुनमाली, शालिभद्र रो, बेड़ो थे ही पार कर्यो, सुप्त चेतना मेघमुनि री, जाग उठी जद हाथ धर्यो । पल—पल एक भावना भावां, खुद नै कद भगवान बणावां, म्हांनै वीर प्रभु रो नाम प्यारो प्यारो लागै ।।
केवल ज्ञान सूर्य दर्शन रो, दशमी नै शुभ स्वप्न फळ्यो, सत्य अहिंसा री क्रांति रो, एक अनूठो दीप जळ्यो । गौतम सो ज्ञानी वैरागी, घोर तपस्वी शिष्य मिळ्यो, त्याग तपस्या री सौरभ स्यूं, सारो जिन उद्यान खिल्यो । म्है तो म्हांरो भाग सरावां, दर्शन सुपने में कद पावां, म्हांनै वीर प्रभु रो नाम प्यारो प्यारो लागै ।।
पावा में अंतिम चौमासो, तेरस नै अनशन धर्यो, भांति—भांति री शिक्षा देकर, जैन—संघ नै प्रभु तार्यो । जीवन रा दो क्षण बढ़ ज्यावै, इन्द्र प्रार्थना कर हार्यो, रात अमावस री अन्धेरी, में नश्वर तनड़ो डार्यो । गौतम गणधर नै अब ल्यावां, वीर पथ पर बढ़ता जावां, म्हांनै वीर प्रभु रो नाम प्यारो प्यारो लागै ।।
Roman Transliteration
ao divali manavan, apan vardhaman gun gavan, man mandir nai saph banavan . mhannai vir Prabhu ro nam pyaro pyaro lage . ganadhar Gautam rai sharne syun sankat dur bhage .
trishla ra dulara pyara, siddharath ra lal hai, vaishali ra kunvar ladla, chamkai bhal vishal hai . bhari javani men ghar tyagyo, dhan daulat sab mal hai, kunkum, kesar, chandan, dip, puja ro o thal hai . thanro pal—pal dhyan lagavan, jyoti jnan ri jagavan, mhannai vir Prabhu ro nam pyaro pyaro lagai ..
dharti rai kan—kan men gunje, vir Prabhu ra git hai, khud par sanyam karne valo, pavai jag men jit hai . avo mhanra bandhan todo, lagi thansyun prit hai, karai jisya phal pavai akhir, ahi jag ri rit hai . bandhan karman ra hatavan, chinmay chetan mhai ban jyavan, mhannai vir Prabhu ro nam pyaro pyaro lage ..
chandakaushiyo charan sharan men, akar nij uddhar karyo, dar—dar ghumi chandanbala, ro bhari upakar karyo . arjunmali, shalibhadra ro, bedo the hi par karyo, supta chetna meghmuni ri, jag uthi jad hath dharyo . pal—pal ek bhavna bhavan, khud nai kad Bhagwan banavan, mhannai vir Prabhu ro nam pyaro pyaro lagai ..
keval jnan surya darshan ro, dashmi nai shubh svapna phalyo, satya Ahimsa ri kranti ro, ek anutho dip jalyo . Gautam so jnani vairagi, ghor tapasvi shishya milyo, tyag tapasya ri saurabh syun, saro Jin udyan khilyo . mhai to mhanro bhag saravan, darshan supne men kad pavan, mhannai vir Prabhu ro nam pyaro pyaro lagai ..
pava men antim chaumaso, teras nai anashan dharyo, bhanti—bhanti ri shiksha dekar, Jain—Sangh nai Prabhu taryo . jivan ra do kshan badh jyavai, Indra prarthana kar haryo, rat amavas ri andheri, men nashvar tando daryo . Gautam ganadhar nai ab lyavan, vir path par badhta javan, mhannai vir Prabhu ro nam pyaro pyaro lagai ..