ओच्छव आयो रै!
Ochchhav Ayo Rai!
1980
ओच्छव आयो रै! — Lyrics
ओच्छव आयो रै! ओच्छव आयो रै जाग्यो जन-मन में उछरंग, गुरुपद रो आछो ओच्छव आयो रै। छायो आज सुरंगो रंग।।
१. महाप्रज्ञा सा ज्ञानी ध्यानी भागां स्यूं मालिक मिलग्या। कल्पवृक्ष रा बीज मनोहर म्हारै आंगणियै फलग्या। शासन ओ स्वामीजी रो पायो अनमोल हीरो। भारी पुण्य प्रसंग।।
२. संत सत्यां री धोली ओली गुरु रै इंगित पर चालै। आणा बिन कोई रो भी तो पत्तो एक नहीं हालै। बरते है आरो चौथो भौतिक आकर्षण थोथो। समता राज्य अभंग।।
३. मानसरोवर पर हंसा री पंगत सी रंगत लागे। वीर और गौतम री जोड़ी शोभे है बैठी आगे। प्रेक्षा रो पंथ दिखावे भवसागर पार लगावे। जीते जीवन जंग।।
४. दिन दूणी अर रात चौगुणी गण री बेल बढ़ो आगे। अमृत फळ बांटो दुनिया री दुख दुविधा दूरी भागे। सारो जग अनुपद चालै निज स्यूं निज नै संभाळै। बणज्या पावन गंग।।
Roman Transliteration
ochchhav ayo rai! ochchhav ayo rai jagyo jan-man men uchharang, gurupad ro achho ochchhav ayo rai. chhayo aj surngo rang..
1. mahaprajna sa jnani dhyani bhagan syun malik milagya. kalpavriksha ra bij manohar mharai anganiyai phalagya. shasan o svamiji ro payo anamol hiro. bhari punya prasang..
2. sant satyan ri dholi oli Guru rai ingit par chalai. ana bin koi ro bhi to patto ek nahin halai. barte hai aro chautho bhautik akarshan thotho. samta rajya abhang..
3. manasrovar par hansa ri pangat si rangat lage. vir aur Gautam ri jodi shobhe hai baithi age. Preksha ro panth dikhave bhavsagar par lagave. jite jivan jang..
4. din duni ar rat chauguni gan ri bel badho age. amrit phal banto duniya ri dukh duvidha duri bhage. saro jag anupad chalai nij syun nij nai sambhalai. banajya pavan gang..