प्राणी! समकित किणविध आई रे
Prani! Samkit Kinvidh Ai Re
2049
प्राणी! समकित किणविध आई रे — Lyrics
प्राणी! समकित किणविध आई रे
प्राणी! समकित किणविध आई रे।। देव तणो आचार न जाणै, गुरु री खबर न काई रे। धर्म तणो तूं नाम न जाणै, तूं राखै घणी ठसकाई रे।।१।।
नव तत्व नां भेद न आवै, कूड़ी करै लपराई रे। धर्म तणो धोरी होय बैठो, तो में दीसे घणी भोलाई रे।।२।।
जीव न जाणै अजीव न जाणै, पुन्य नीं पारखा नाई रे। पाप तणी प्रकृति नहीं धारी, तैं कीधी घणी नहराई रे।।३।।
आश्रव नाला छूटा नहिं देखे, संवर सुमता नाई रे। निरजरा तणो निरणो नहीं कीधो, कठै गई चतुराई रे।।४।।
बंध मोख बेहूं नों जोड़ो, तिणरी समझ न पाई रे। समदिष्टी तूं नाम धरावै, तोनें कुगुरां दियो भरमाई रे।।५।।
हाथ जोड़ी ने समकित लेवै, कुगुरां पासे जाई रे। अजाणपणो मिटियो नहीं अंतर, मिथ्यात दियो बोसराई रे।।६।।
न्याय री बात हृदय नहीं बेसै, थोथी करै बड़ाई रे। आज्ञा बारै धर्म परूपै, बूड गई चतुराई रे।।७।।
करण जोग भांगा नहीं धार््या, व्रतां री खबर न कांई रे। अव्रत मांही धर्म परूपै, या ही नरक री सांई रे।।८।।
पाप धर्म नो नहीं निवेड़ो, अकल गई दपटाई रे। जब तोनें कोइ जाणपणो पूछै, तो उलटी करै लड़ाई रे।।६।।
पोथा पानां काढ़ नें बेठो, भोला नैं दे भरमाई रे। कूड़ कपट कर फंद में पाड़ै, ते मांडी पेट भराई रे।।१०।।
सांगधारी नें साधज सरधै, पडै पगां में जाई रे। तिक्खुत्ता सूं करै बंदणा, मन में हरषित थाई रे।।११।।
सावद करणी सूं पापज लागै, तिण री विगत न पाई रे। निरवद में धर्म पुन्य दोनूं ई, ते पिण अटकल नाई रे।।१२।।
द्रव्य खेतर काल भाव न धार्या, गुण बिण वस्तु न कांई रे। च्यार निखेपा नों निरणो न कीधो, ते मिनख जमारो पाई रे।।१३।।
सगला में तूं बडेरो बाजै, मन में मगज न माई रे। न्याय मार्ग तोनें किण विध आवै, कुगुरां दिया डंक लगाई रे।।१४।।
सरधा दुर्लभ जिनेश्वर भाखी, सूतर में दियो जताई रे। चतुर हुंता त्यां निरणो कीधो, ते मिनख जमारो पाई रे।।१५।।
जीव अजीव ए छ द्रव्य कीधा, नव कीया न्याय बताई रे। समदिष्टी ओलखिया अंतर, त्यां नैं नहिं सके देव डिगाई रे।।१६।।
Roman Transliteration
prani! samkit kinvidh ai re
prani! samkit kinvidh ai re.. Dev tano achar n janai, Guru ri khabar n kai re. Dharm tano tun nam n janai, tun rakhai ghani thaskai re..1..
nav tatva nan bhed n avai, kudi karai laprai re. Dharm tano dhori hoy baitho, to men dise ghani bholai re..2..
jiv n janai ajiv n janai, punya nin parkha nai re. pap tani prakriti nahin dhari, tain kidhi ghani nahrai re..3..
ashrav nala chhuta nahin dekhe, sanvar sumta nai re. nirajra tano nirno nahin kidho, kathai gai chaturai re..4..
bandh mokh behun non jodo, tinri samajh n pai re. samdishti tun nam dharavai, tonen kuguran diyo bharmai re..5..
hath jodi ne samkit levai, kuguran pase jai re. ajanapno mitiyo nahin antar, mithyat diyo bosrai re..6..
nyay ri bat hriday nahin besai, thothi karai badai re. ajna barai Dharm parupai, bud gai chaturai re..7..
karan jog bhanga nahin dhar्ya, vratan ri khabar n kani re. avrat manhi Dharm parupai, ya hi narak ri sani re..8..
pap Dharm no nahin nivedo, akal gai daptai re. jab tonen koi janapno puchhai, to ulati karai ladai re..6..
potha panan kadh nen betho, bhola nain de bharmai re. kud kapat kar phand men padai, te mandi pet bharai re..10..
sangdhari nen sadhaj sardhai, padai pagan men jai re. tikkhutta sun karai bandna, man men harshit thai re..11..
savad karni sun papaj lagai, tin ri vigat n pai re. niravad men Dharm punya donun i, te pin atakal nai re..12..
dravya khetar kal bhav n dharya, gun bin vastu n kani re. chyar nikhepa non nirno n kidho, te minakh jamaro pai re..13..
sagla men tun badero bajai, man men magaj n mai re. nyay marga tonen kin vidh avai, kuguran diya dank lagai re..14..
sardha durlabh jineshvar bhakhi, sutar men diyo jatai re. chatur hunta tyan nirno kidho, te minakh jamaro pai re..15..
jiv ajiv e chh dravya kidha, nav kiya nyay batai re. samdishti olakhiya antar, tyan nain nahin sake Dev digai re..16..