पर्व पजूषण

Parva Pajushan

गीत क्रमांक2113

पर्व पजूषण — Lyrics

पर्व पजूषण पर्व पजूषण रो, सर्व पर्व-अधिराज पर्व जिनराज बतायो रे। करत-करत अभिलाष मास बारै स्यूं आयो रे।।

१. बरस-पुरुष रै अष्ट मास, अष्टांग समान सुहायो रे। च्यार मास पोसाग, पजूषण भूषण भायो रे।।

२. संवत्सर-दिन जीवन जिण रो, जिन-दर्शन में गायो रे। जन-जन रै मन-गगन धर्म रो, घन उमड़ायो रे।।

३. बिन आगार सकल मुनि-श्रमणी, वर उपवास सझायो रे। श्रावक और श्राविका नहिं पीछै पग ठायो रे।।

४. सदिया बदिया कदिया श्रावक, सगला हाथ मिलायो रे। जैन-अजैन परीक्षा रो वर, समय कहायो रे।।

५. पौषध अष्ट प्रहरिया अथवा च्यार प्रहरिया प्रायो रे। यथाशक्ति सहु करसी नहिं तो, फिर पिछतायो रे।।

६. सावद काम तमाम त्याग, शुभ संयम पथ सरसायो रे। अन्तर-भाव खमाव हृदय रो, द्वेष मिटायो रे।।

७. गंगाशहर धर्म री गंगा, घर घर हर्ष सवायो रे। संवत दो हजार 'तुलसी' मन, मोद मनायो रे।।

parva pajushan parva pajushan ro, sarva parva-adhiraj parva jinraj batayo re. karat-karat abhilash mas barai syun ayo re..

1. baras-purush rai ashta mas, ashtang saman suhayo re. chyar mas posag, pajushan bhushan bhayo re..

2. sanvatsar-din jivan jin ro, Jin-darshan men gayo re. jan-jan rai man-gagan Dharm ro, ghan umadayo re..

3. bin agar sakal Muni-shramni, var upavas sajhayo re. shravak aur shravika nahin pichhai pag thayo re..

4. sadiya badiya kadiya shravak, sagla hath milayo re. Jain-ajain pariksha ro var, samay kahayo re..

5. paushadh ashta prahriya athava chyar prahriya prayo re. yathashakti sahu karsi nahin to, phir pichhtayo re..

6. savad kam tamam tyag, shubh sanyam path sarsayo re. antar-bhav khamav hriday ro, dvesh mitayo re..

7. gangashahar Dharm ri ganga, ghar ghar harsha savayo re. sanvat do hajar 'Tulsi' man, mod manayo re..