सांस की टूट ज्यासी लड़ी,
Sans Ki Tut Jyasi Ladi,
2211
सांस की टूट ज्यासी लड़ी, — Lyrics
सांस की टूट ज्यासी लड़ी, काम आसी न बातां बड़ी।।
१. अंजळी में लियो जल झरै, एक पल भी न रोक्यो रकै। जन्मधारी न कोई इसो, काळ आयां नहीं जो झुकै। मौत सारां रै सिर पर खड़ी।।
२. संकड़ी जिन्दगी री गळी, ध्यान देकर तूं पगल्या धरी। राखजे सावधानी सदा, काजळ री है जगत् कोठरी। आई है अब परीक्षा-घड़ी।।
३. आछै-भूंडे रो दायी है तूं, दोष दूजै रो कोई नहीं। चेतना जागती राखसी, काम जद ही हुवैला सही। साच स्यूं जोड़ थांरी कड़ी।।
४. फूल-कांटां रो मेळो अठै, छोड़ कांटा, तूं फुलड़ा चुनी। अवगुण कानी स्यूं फेरी नजर, गुण स्यूं भावां री चादर बुनी। सारै रोगां री आ है जड़ी।।
५. सत्त्व निज रो संभालै जो तूं, आत्म-भावां नै उजळा करै। 'बुद्ध' जीणै री जाणै कळा, चित्त समता-सुधा स्यूं भरै। लागै आनंद री ज्यूं झड़ी।।
Roman Transliteration
sans ki tut jyasi ladi, kam asi n batan badi..
1. anjali men liyo jal jharai, ek pal bhi n rokyo rakai. janmadhari n koi iso, kal ayan nahin jo jhukai. maut saran rai sir par khadi..
2. sankdi jindagi ri gali, dhyan dekar tun pagalya dhari. rakhje savdhani sada, kajal ri hai jagat kothri. ai hai ab pariksha-ghadi..
3. achhai-bhunde ro dayi hai tun, dosh dujai ro koi nahin. chetna jagti rakhsi, kam jad hi huvaila sahi. sach syun jod thanri kadi..
4. phul-kantan ro melo athai, chhod kanta, tun phulda chuni. avagun kani syun pheri najar, gun syun bhavan ri chadar buni. sarai rogan ri a hai jadi..
5. sattva nij ro sambhalai jo tun, atma-bhavan nai ujala karai. 'buddha' jinai ri janai kala, chitta samta-sudha syun bharai. lagai anand ri jyun jhadi..