सांवरियो म्हारै रूं रूं में रमग्यो – मिश्री में मीठास बण्यो
Sanvriyo Mharai Run Run Men Ramagyo – Mishri Men Mithas Banyo
3015
सांवरियो म्हारै रूं रूं में रमग्यो – मिश्री में मीठास बण्यो — Lyrics
सांवरियो म्हारै, रूं रूं में रमग्यो, रूं रूं में रमग्यो, मिश्री में मीठास बण्यो सांवरियो। भिखू स्याम, भिखू स्याम, जीभड़ल्यां में जमग्यो, जीभड़ल्यां में जमग्यो, फुलड़ा जियां सुवास बण्यो सांवरियो।।
धूप छांह लियां जियां, चांदड़लै में च्यानणी, पून में ज्यू प्राण प्रीत, रीत गीत रागणी, कविता में अनुप्राश बण्यो, सांवरियो।।
खातां पीतां सोतां उठतां, याद आवे सांवरियो, नाल में उतरता-चढता, याद आवे सांवरियो, साथी श्वासोश्वास, बण्यो, सांवरियो।।
फिरतां घिरतां काम करतां, याद आवै सांवरियो, मोड़ै स्यूं बारै नीसरतां, याद आवै सांवरियो, पंखेरू आकाश बण्यो, सांवरियो।।
विकट विरोधी विष पी शंकर, बणग्यो म्हांरो सांवरियो, डरयो न धमक्यां स्यूं अभयंकर, बणग्यो म्हांरो सांवरियो, सज्जन जन विश्वास बण्यो, सांवरियों।।
लौकिक लोकोत्तर व्याख्या में, लोहो पड़सी मानणो, बाहर भीतर एक सरीखो, च्यांनणो ही च्यांनणो, देहली दीप प्रकाश बण्यो, सांवरियो।।
त्याग भोग नै घी-तम्बाखू, मेल बताकर सुलझायो, साधु-असाधु विभेद वेद रो, हेतु सुणाकर समझायो, सूरज-तेज निवास बण्यो, सांवरियो।।
“सागर” भाद्रव सुद तेरस नै, ज्ञान सरायो सिरियारी, ध्यान योग में प्राण विसर्जन, इचरज पायो सिरियारी, ले समाधि थिर-वास बण्यो, सांवरियो।।
Roman Transliteration
sanvriyo mharai, run run men ramagyo, run run men ramagyo, mishri men mithas banyo sanvriyo. bhikhu syam, bhikhu syam, jibhadalyan men jamagyo, jibhadalyan men jamagyo, phulda jiyan suvas banyo sanvriyo..
dhup chhanh liyan jiyan, chandadlai men chyanni, pun men jyu pran prit, rit git ragni, kavita men anuprash banyo, sanvriyo..
khatan pitan sotan uthatan, yad ave sanvriyo, nal men utarta-chadhta, yad ave sanvriyo, sathi shvasoshvas, banyo, sanvriyo..
phirtan ghirtan kam kartan, yad avai sanvriyo, modai syun barai nisartan, yad avai sanvriyo, pankheru akash banyo, sanvriyo..
vikat virodhi vish pi shankar, banagyo mhanro sanvriyo, daryo n dhamakyan syun abhayankar, banagyo mhanro sanvriyo, sajjan jan vishvas banyo, sanvriyon..
laukik lokottar vyakhya men, loho padsi manno, bahar bhitar ek sarikho, chyannno hi chyannno, dehli dip prakash banyo, sanvriyo..
tyag bhog nai ghi-tambakhu, mel batakar suljhayo, sadhu-asadhu vibhed ved ro, hetu sunakar samjhayo, suraj-tej nivas banyo, sanvriyo..
“sagar” bhadrav sud teras nai, jnan sarayo siriyari, dhyan yog men pran visarjan, icharaj payo siriyari, le samadhi thir-vas banyo, sanvriyo..