शासन-नायक विघ्न-विनायक, गुणी-जन रा सिरताज रै,
Shasan-Nayak Vighna-Vinayak, Guni-Jan Ra Sirtaj Rai,
2296
शासन-नायक विघ्न-विनायक, गुणी-जन रा सिरताज रै, — Lyrics
शासन-नायक विघ्न-विनायक, गुणी-जन रा सिरताज रै, हिवड़ै विराजै म्हारै जय गणी, गण-उन्नायक धर्म-विधायक, तारण-तरण जहाज रै, भगतां रै छाजै माथै रा मणी।।
१. नई-नई मर्यादा बांधी, शासन री रखवाळ करी, भूल्या-भटक्यां नै संभाळ्या, धर्म-बेलड़ी हरी-भरी, चमक्या जग में ज्यूं हीरे री कणी।
२. तन छोटो, पण मन हो मोटो, धीरज रो कोई पार नहीं, शासन-भार बह्यो थोरी बण, मन पर कोई भार नहीं, कदेई न चूक्या अवसर री अणी।
३. उन्नति री दी नई , नई शक्ति रो बोध दियो, नये ज्ञान रो भरो खजानो, नवोत्साह निर्माण कियो, बणग्या खुद मानो रखिया-रोहिणी।
४. चरण बढ़या जीं दिशि में, सारो संघ बठीनै चाल पड्यो, धार्मिक रंग इसो बरसायो, भीज्यो जन-मन खड़यो-खड़यो, मैंदी भावां री भारी राचणी।
५. स्वामीजी रा भाष्यकार, वाणी नै हद विस्तार दियो, आगम-जोड़ां घणी बणाई, अगम पंथ नै सुगम कियो, फैली च्यारूं दिशि में जस-च्यानणी।
६. भोजन भार कार्य री समता, नई व्यवस्था पानां री, करी भावना तृप्त, तप्सवी निर्बल रोगी दानां री, करणी हद सघळां रै मन भावणी।
७. नया निकाळ्या क्षेत्र घणा ही, देस-विदेसां में विचरया, जिन-मारग नै घणो दिपायो, अमृतमय उपदेश झरया, चरणां में 'बुद्ध' नमै शासन-धणी।
Roman Transliteration
shasan-nayak vighna-vinayak, guni-jan ra sirtaj rai, hivdai virajai mharai jay gani, gan-unnayak Dharm-vidhayak, taran-taran jahaj rai, bhagtan rai chhajai mathai ra mani..
1. nai-nai maryada bandhi, shasan ri rakhval kari, bhulya-bhatakyan nai sambhalya, Dharm-beldi hari-bhari, chamakya jag men jyun hire ri kani.
2. tan chhoto, pan man ho moto, dhiraj ro koi par nahin, shasan-bhar bahyo thori ban, man par koi bhar nahin, kadei n chukya avasar ri ani.
3. unnati ri di nai , nai shakti ro bodh diyo, naye jnan ro bharo khajano, navotsah nirman kiyo, banagya khud mano rakhiya-rohini.
4. charan badhya jin dishi men, saro Sangh bathinai chal padyo, dharmik rang iso barsayo, bhijyo jan-man khadyo-khadyo, maindi bhavan ri bhari rachni.
5. svamiji ra bhashyakar, vani nai had vistar diyo, agam-jodan ghani banai, agam panth nai sugam kiyo, phaili chyarun dishi men jas-chyanni.
6. bhojan bhar karya ri samta, nai vyavastha panan ri, kari bhavna tripta, tapsavi nirbal rogi danan ri, karni had saghlan rai man bhavni.
7. naya nikalya kshetra ghana hi, des-videsan men vicharya, Jin-marag nai ghano dipayo, amritamay upadesh jharya, charnan men 'buddha' namai shasan-dhani.