शिविर साधना
Shivir Sadhna
67
शिविर साधना — Lyrics
ईं साधना शिविर स्यूं आपां, जीवन नै चमकावां । जीवन नै चमकावां, आपां ज्योति किरण बण ज्यावां रे ।।
शिविर सिखावै मौन और कंट्रोल राखणो खुद पर, भलो बुरो कुण करै दूसरो, आपां अपणां ईश्वर । सब स्यूं मीठो व्यवहार जी, राखां उज्ज्वल आचार जी, मैत्री करुणा संयम री, सरिता रा श्रोत बहावां रे ।।
जीवन में यदि शांति नहीं तो, धर्म स्वयं स्यूं धोखो, नर—भव रो ओ कितनो सुन्दर, पायो आपां मोको । पर निंदा चुगली त्याग जी, है क्रोध मान दो नाग जी, आत्मां री चादर नै आओ, आपां मल—मल धोवां रे ।।
प्रेम पूर्ण व्यवहार बणावां, कड़ा शब्द नहीं बोलां, कितो बोलणो, कठै बोलणो, बोल्यां पेली तोलां । है संयम धर्म महान जी, ओ जीवन रो विज्ञान जी, बुरी आदतां छोड़ शिविर रो, साचो लाभ उठावां रे ।।
महामंत्र री माला फेरा, सामायिक गुरु बन्दन, पात्र दान भक्ति स्यूं देवां, करां संत अभिनन्दन । है तत्त्व ज्ञान ही सार जी, है भैक्षव—गण आधार जी, प्राण देवता श्री तुलसी रै, चरणां शीष झुकाव रे ।।
Roman Transliteration
in sadhna shivir syun apan, jivan nai chamkavan . jivan nai chamkavan, apan jyoti kiran ban jyavan re ..
shivir sikhavai maun aur kantrol rakhno khud par, bhalo buro kun karai dusro, apan apanan ishvar . sab syun mitho vyavhar ji, rakhan ujjval achar ji, maitri karuna sanyam ri, sarita ra shrot bahavan re ..
jivan men yadi shanti nahin to, Dharm svayam syun dhokho, nar—bhav ro o kitno sundar, payo apan moko . par ninda chugli tyag ji, hai krodh man do nag ji, atman ri chadar nai ao, apan mal—mal dhovan re ..
prem purna vyavhar banavan, kada shabda nahin bolan, kito bolno, kathai bolno, bolyan peli tolan . hai sanyam Dharm mahan ji, o jivan ro vijnan ji, buri adatan chhod shivir ro, sacho labh uthavan re ..
mahamantra ri mala phera, Samayik Guru bandan, patra dan bhakti syun devan, karan sant abhinandan . hai tattva jnan hi sar ji, hai bhaikshav—gan adhar ji, pran devta shri Tulsi rai, charnan shish jhukav re ..