श्रावक—संकल्प
Shravak—Sankalpa
70
श्रावक—संकल्प — Lyrics
म्है तो शासन सेवा करस्यां, म्है तो शासन नै ही भरस्यां, गण में कुर्बाणी रो काम पड़े जद जोश जागै । म्हांनै तुलसी रो दरबार प्यारो प्यारो लागै ।।
शासण ही है वीणा और, शासण ही झंकार है, शासण है संगलां री शोभा, शासण रो आधार है । शासण रो ओ बड़लो देखो, कितनो छायादार है, शासण रो अनुशासन प्राण, मर्यादा श्रृंगार है । म्है बलिदान स्वयं रो देस्यां, जिम्मेदारी कान्धा लेस्यां, म्है गणपति रा होकर रहस्यां, गण में कुर्बाणी रो काम पड़े जद जोश जागै ।।
पटवोजी सी श्रद्धा राख्यां, ईं गण में सम्मान हुवै, गोठीजी री ज्ञान धारणा पर सबने अभिमान हुवै । शासण री ईं बलिवेदी पर, वफादार कुर्बान हुवै, खून स्यूं सिंच्योड़ा बीज, निश्चित ही फळवान हुवै । म्है तो नव इतिहास, बणास्यां, साचो अब विश्वास जमास्यां, मिल—जुल बाबै रा गुण गास्यां, गण में कुर्बाणी रो काम पड़े जद जोश जागै ।।
महावीर री वाणी ऊपर, कुछ करके दिखलाणो है, सुप्त चेतना जाग उठे ज्यूं, ऐसो शंख बजाणो है । नयो मोरचो बणा कार्यकर्ता में, जोश जगाणो है, सौ बरसां री नींव लगावण, संगठन बणाणो है । वीर प्रभु रो मान बढ़ास्यां, घर घर में अणुव्रत पहुंचास्यां, नैतिकता रा दीप जलास्यां, गण में कुर्बाणी रो काम पड़े जद जोश जागै ।।
साचो श्रावक सदा आतमां रो ही राखे ध्यान है, आचारजां री दॄष्टि नै जो, समझे जीवन प्राण है । व्यवहारां में नैतिकता और, दिल में दया महान है, दास हुवै साधु सतियां रा, विनयवान गुणवान है । म्है तो अन्तर—ज्ञान जगास्यां, म्है तो प्रेक्षा—ध्यान लगास्यां, म्है तो शासण—शान बढ़ास्यां, गण में कुर्बाणी रो काम पड़े जद जोश जागै । म्हांनै तुलसी रो दरबार प्यारो प्यारो लागे ।।
Roman Transliteration
mhai to shasan seva karasyan, mhai to shasan nai hi bharasyan, gan men kurbani ro kam pade jad josh jagai . mhannai Tulsi ro darbar pyaro pyaro lagai ..
shasan hi hai vina aur, shasan hi jhankar hai, shasan hai sanglan ri shobha, shasan ro adhar hai . shasan ro o badlo dekho, kitno chhayadar hai, shasan ro anushasan pran, maryada shrringar hai . mhai balidan svayam ro desyan, jimmedari kandha lesyan, mhai ganapti ra hokar rahasyan, gan men kurbani ro kam pade jad josh jagai ..
patvoji si shraddha rakhyan, in gan men samman huvai, gothiji ri jnan dharna par sabne abhiman huvai . shasan ri in balivedi par, vaphadar kurban huvai, khun syun sinchyoda bij, nishchit hi phalvan huvai . mhai to nav itihas, banasyan, sacho ab vishvas jamasyan, mil—jul babai ra gun gasyan, gan men kurbani ro kam pade jad josh jagai ..
Mahavir ri vani upar, kuchh karke dikhlano hai, supta chetna jag uthe jyun, aiso shankh bajano hai . nayo morcho bana karyakarta men, josh jagano hai, sau barsan ri ninv lagavan, sangathan banano hai . vir Prabhu ro man badhasyan, ghar ghar men Anuvrat pahunchasyan, naitikta ra dip jalasyan, gan men kurbani ro kam pade jad josh jagai ..
sacho shravak sada ataman ro hi rakhe dhyan hai, acharjan ri drishti nai jo, samjhe jivan pran hai . vyavharan men naitikta aur, dil men daya mahan hai, das huvai sadhu satiyan ra, vinayvan gunvan hai . mhai to antar—jnan jagasyan, mhai to Preksha—dhyan lagasyan, mhai to shasan—shan badhasyan, gan men kurbani ro kam pade jad josh jagai . mhannai Tulsi ro darbar pyaro pyaro lage ..