श्रोता निसुणो गुरुवाणी लाल सुगणजी।
Shrota Nisuno Guruvani Lal Suganji.
2348
श्रोता निसुणो गुरुवाणी लाल सुगणजी। — Lyrics
श्रोता निसुणो गुरुवाणी लाल सुगणजी।
१. श्री जिन-शासन रा नेता, स्व-समय पर-समय प्रचेता जी। भीषण भव-संकट-भेता, प्रतिवादी वाद-विजेता जी।।
२. जसु जन्म कंटालिय ग्रामे, बल्लू-सुत भिक्षू नामे जी। सूचित सिंह स्वप्न सुवामे, जननी दीपां सुत जामे जी।।
३. सतरै तेरासिय वासे जनु दीक्षा द्रव्य हुलासे जी। रघुनाथ नाम गुरु पासे, लखि समये समय विमासे जी।।
४. सम्यक्व चरण नहिं पाया 'कर बाळी पूंख न खाया' जी। युग वरसां गुरु समझाया नहिं समझे तब छिटकाया जी।।
५. ले चरण अठारै सतरै, धंधे लाग्यां सतपथ रैजी। दानादिक री की शुद्धी, वाह! वाह! भिक्षू री बुद्धी जी।।
६. बांधी मर्याद उदारी, धुर बत्तीसे सुखकारी जी। गुणसटठे चरम विचारी, पट थापी ने मल-भारी जी।।
७. सहु श्रमण सती सुखदाया,गुरुमल री आण धराया जी। चौमास रु शेखै-काळो, इक गुरु री आण संभाळो जी।।
८. दीक्षा पिण देणी तामे, इक भारिमाल रै नामे जी। दीक्षा दे आणी सूंपो, नहिं करणी ममत विरूपो जी।।
९. शिष वस्त्र अने खेत्रां री, ममता करि-करि-निरधारी जी। संयम खो गया अनन्ता, दुर्गति में स्ता-अंता जी।।
१०. बलि भेखधार्यां रा देखी, एहवा लक्षण मुविशेखी जी। फाड़ा-तोड़ो अविवेकी, कर-कर खो देव नेकी जी।।
११. इक-इक रा अवगुण वोलै, मांहो-मां पड़दा खोले जी। नित कजिया-राड़ रु झगड़ा, है रोजीनां रा रगड़ा जी।।
१२. लक्षण एहवा अवलोई, घर बीती बातां जोई जी। कियो शिष-शाखा संतोखो, ज्यूं सुखै-सुखें ले मोखो जी।।
१३. सहु श्रमण-सत्यां पिण इम ही, कहियो भिक्षू-वच तिम ही जी। गुरुमाल टाळ पहचाणो, शिष करणै रा पचखाणो जी।।
१४. 'भारी' दीक्षा दे ज्यां री, तो योग्वायोग विचारी जी। पाछैपिण हुवे विकारी, तसु देणों तुरत निकारी जी।।
१५. आचार पालां जिण रीते, चोखों पाछो-वर नीते जी। इण मांही दोखण जाणो, (तो) इण बेलां कहो सुजाणो जी।।
१६. भारिमाल जब चावै, तब गण रो भार भुळावै जी। गुरु-भाई शिष ने सारो, तसु आणा सहु सिर धारो जी।।
१७. ए रीत परंपर बांधी, मुनि-मारग लग सुध सांधी जी। इक गुरु-आज्ञा में रहणो, नहि वीजी बाटे वहणो जी।।
१८. कोइ अशुभ कर्म संयोगे, अथवा कोइ बीजे रोगे जी। इक दो त्रिण हो गण वाही, बलि करै घणी धुरताई जी।।
१९. वक-ध्यानी मानी भाव, नहिें सरधो समण सभावै जी। नहिं चिउं तीरथ में गिणवा, जिन-मत रा निंदक भणवा जी।।
२०. त्याने कोई भी वांदे, ते जिन-आज्ञा बिण छांदे जी। कोइ पुनरपि दीक्षा धारै, सुध साध प्रतीत उतारै जी।।
२१. नहिं साध सरधणो ज्यां ही, उणने छेड़वियां त्यांही जी। सुध साधां नै दै आलो, कीजे उण रो नित टाळो जी।।
२२. बलि कर्म प्रयोगे जाणो, गण बाहिर हुवं अयाणो जी। गण-श्रमण-सती रा ताणो, अवगुण बोलण पचखाणो जी।।
२३. अनंत सिद्ध विच साखी, वलि पांचूं पद अभिलाखी जी। हो विटलत सूंस बो तोड़े, हळुकर्मी रू न जोड़े जी।।
२४. श्रद्धा आचार सतोलो, बलि कल्पसूत्र रो बोलो जी। न पड़े जो समझ सुरीती, करणी बुद्धिवंत प्रतीती जी।।
२५. कोइ बोल हिये नहिं बेसै,नहिं करणी ताण विशषै जी। सर्वक्ष वदै सो साचो, मतति खांचा-खांचे राचो जी।।
२६. जो कर्म जोग गण बारे, हो श्रद्धा-क्षेत्र मझारे जी। इक श्रावक-श्राविका ज्यां ही, रहिवा रा त्याग सदा ही जी।।
२७. बाटे वहितां इक रातो, रहै उपज्यां अंग असातो जी। पांच विगै सूंखड़ी तजिये, भिक्षृ वचन भावे भजिये जी।।
२८. उपकरण करै गण मांही, लिखे जाचै प्रति पाना ही जी। साथै लेवण रा त्यागो, रखखिये दिल धर अनुरागो जी।।
२९. चुलपट्टो एक पुराणो, बलि जीर्ण पछेवड़ि जाणो जी। ओघो मुखपती पुराणी, उपरांत साथ मत आणी जी।।
३०. कोई पूछे इम वाया, क्यूं खेतर-सूंस कराया जी। तसु उत्तर एम अवेखो, बधतो लख रागा-धेखो जी।।
३१. बलि क्लेश-कदाग्रह जाणी, उपकार घटंतो माणी जी। इत्यादिक अवगुण झांकी, पचखाण सही सिध साखी जी।।
३२. लिखतू ऋष भीखन केरो, अट्ठौरै गुणसठ हेरो जी। माह सप्तमि वार शनैश्चर, ए लेख लिख्यो गुरु निज कर जी।।
३३. भिक्षू पट बीजे भलके, गुरुमाल रायशशि झलके जी। जय-जश पट चोये राजे, मघ माणक डालम गाजै जी।।
३४. पट अष्टम कालू स्वामी, महिमागर महितल नामी जी। जसु तेज नभोमणि ताजो, तपियो त्रिभुवन में जाझो जी।।
३५. रस निधि निधि महि वर वर्षे,मर्यादा-मोच्छव हर्षे जी। च्यारूं तीरथ रा मेळा, सरदारशहर रंगरेळा जी।।
३६. एकाणव संत सयाणां, सति इक सौ इकसठ ठाणां ऊी। गुरु-आणा में इकरंगा, न्हावै भिक्षू-गण-गंगा जी।।
Roman Transliteration
shrota nisuno guruvani lal suganji.
1. shri Jin-shasan ra neta, sva-samay par-samay pracheta ji. bhishan bhav-sankat-bheta, prativadi vad-vijeta ji..
2. jasu janma kantaliy grame, ballu-sut bhikshu name ji. suchit sinh svapna suvame, janni dipan sut jame ji..
3. satrai terasiy vase janu diksha dravya hulase ji. raghunath nam Guru pase, lakhi samye samay vimase ji..
4. samyakva charan nahin paya 'kar bali punkh n khaya' ji. yug varsan Guru samjhaya nahin samjhe tab chhitkaya ji..
5. le charan atharai satrai, dhandhe lagyan satapath raiji. danadik ri ki shuddhi, vah! vah! bhikshu ri buddhi ji..
6. bandhi maryad udari, dhur battise sukhkari ji. gunasatthe charam vichari, pat thapi ne mal-bhari ji..
7. sahu shraman sati sukhdaya,gurumal ri an dharaya ji. chaumas ru shekhai-kalo, ik Guru ri an sambhalo ji..
8. diksha pin deni tame, ik bharimal rai name ji. diksha de ani sumpo, nahin karni mamat virupo ji..
9. shish vastra ane khetran ri, mamta kari-kari-nirdhari ji. sanyam kho gaya ananta, durgati men sta-anta ji..
10. bali bhekhdharyan ra dekhi, ehava lakshan muvishekhi ji. phada-todo aviveki, kar-kar kho Dev neki ji..
11. ik-ik ra avagun volai, manho-man padda khole ji. nit kajiya-rad ru jhagda, hai rojinan ra ragda ji..
12. lakshan ehava avaloi, ghar biti batan joi ji. kiyo shish-shakha santokho, jyun sukhai-sukhen le mokho ji..
13. sahu shraman-satyan pin im hi, kahiyo bhikshu-vach tim hi ji. gurumal tal pahchano, shish karnai ra pachkhano ji..
14. 'bhari' diksha de jyan ri, to yogvayog vichari ji. pachhaipin huve vikari, tasu denon turat nikari ji..
15. achar palan jin rite, chokhon pachho-var nite ji. in manhi dokhan jano, (to) in belan kaho sujano ji..
16. bharimal jab chavai, tab gan ro bhar bhulavai ji. Guru-bhai shish ne saro, tasu ana sahu sir dharo ji..
17. e rit parampar bandhi, Muni-marag lag sudh sandhi ji. ik Guru-ajna men rahno, nahi viji bate vahno ji..
18. koi ashubh Karm sanyoge, athava koi bije roge ji. ik do trin ho gan vahi, bali karai ghani dhurtai ji..
19. vak-dhyani mani bhav, nahiेn sardho saman sabhavai ji. nahin chiun tirath men ginva, Jin-mat ra nindak bhanva ji..
20. tyane koi bhi vande, te Jin-ajna bin chhande ji. koi punarpi diksha dharai, sudh sadh pratit utarai ji..
21. nahin sadh saradhno jyan hi, unane chhedviyan tyanhi ji. sudh sadhan nai dai alo, kije un ro nit talo ji..
22. bali Karm prayoge jano, gan bahir huvam ayano ji. gan-shraman-sati ra tano, avagun bolan pachkhano ji..
23. anant Siddha vich sakhi, vali panchun pad abhilakhi ji. ho vitalat suns bo tode, halukarmi ru n jode ji..
24. shraddha achar satolo, bali kalpasutra ro bolo ji. n pade jo samajh suriti, karni buddhivant pratiti ji..
25. koi bol hiye nahin besai,nahin karni tan vishshai ji. sarvaksha vadai so sacho, matti khancha-khanche racho ji..
26. jo Karm jog gan bare, ho shraddha-kshetra majhare ji. ik shravak-shravika jyan hi, rahiva ra tyag sada hi ji..
27. bate vahitan ik rato, rahai upajyan ang asato ji. panch vigai sunkhdi tajiye, bhikshri vachan bhave bhajiye ji..
28. upakaran karai gan manhi, likhe jachai prati pana hi ji. sathai levan ra tyago, rakhkhiye dil dhar anurago ji..
29. chulapatto ek purano, bali jirna pachhevdi jano ji. ogho mukhapti purani, uparant sath mat ani ji..
30. koi puchhe im vaya, kyun khetar-suns karaya ji. tasu uttar em avekho, badhto lakh raga-dhekho ji..
31. bali klesh-kadagrah jani, upakar ghatnto mani ji. ityadik avagun jhanki, pachkhan sahi sidh sakhi ji..
32. likhtu rish bhikhan kero, atthaurai gunasath hero ji. mah saptami var shanaishchar, e lekh likhyo Guru nij kar ji..
33. bhikshu pat bije bhalke, gurumal rayashshi jhalke ji. jay-jash pat choye raje, magh Manak dalam gajai ji..
34. pat ashtam Kalu Swami, mahimagar mahital nami ji. jasu tej nabhomni tajo, tapiyo tribhuvan men jajho ji..
35. ras nidhi nidhi mahi var varshe,maryada-mochchhav harshe ji. chyarun tirath ra mela, sardarashahar rangrela ji..
36. ekanav sant sayanan, sati ik sau ikasath thanan i. Guru-ana men ikarnga, nhavai bhikshu-gan-ganga ji..