सीमंधर भगवान
Simandhar Bhagwan
2362
सीमंधर भगवान — Lyrics
सीमंधर भगवान जी मैं चरणां शीश नमाऊं, जी मैं दर्शन किण विध पाऊं। जी म्हारी वीनतड़ी अवधारो, जी मोहे तारो पार उतारो। जी संसार लगै छै खारो, जी वैराग्य लगै छै प्यारो। जी म्हारा आवागमन निवारो, जी सीमंधर भगवान।।
1. सीमंधर प्रभुजी नै प्रणमुं, चरणां शीष नमाय। आप तणां गुण मुख स्यूं गायां म्हारा, भव-भव रा दु:ख जाय।। स्वाम म्हांरा भव-भव रा दु:ख जाय, जी मैं चरणां...
2. चौतीस अतिशय अति शोभता, वाणी गुण पैंतीस। एक सहंस अठ लखण विराजै, जीत्या राग न रीष।।
3. काया ऊंची धनुष पांच सौ, सूतर में विस्तार। स्फटिक सिंहासन आप विराज्या, थाप्या तीरथ च्यार।।
4. झिगमिग ज्योत झीगामिग दीपै, कंचन वरणी काय। चौसठ इन्द्र करै थांरी सेवा, सुर नर लागै पाय।।
5. हीवड़े में तो हूंस घणी छै, दर्शन करूं तिहां आय। आडा पर्वत बहती नदियां, आयो किणविध जाय।।
6. देव मित्र इसड़ो नाहि म्हारै, विमान में बैसाय। शक्ति नहीं मैं किणविध आऊं, लब्धि न फोड़ी जाय।।
7. इह भव में तो आय नहिं सकुं, करूं जुं कोड़ उपाय। सूतर मांही वचन आपरा, चालूं निर्मल न्याय।।
8. शील रथे ऊपर बेसी नै, धर्म ध्वजा फहराय। समकित ज्योति करी अगवाणी, करण जोग चित्त ल्याय।।
9. ज्ञान कटारी कस कर बांधूं, तप रूपी तलवार। राग द्वेष दोय पतला पाडूं, करदयूं खेवो पार।।
10. सूत्र वचन परमाण करी नै, च्यार कषाय निवार। अरिहंत, सिद्ध तणा गुण गाऊं, इम उतरूं भव पार।। स्वाम म्हारा इम उतरूं भव पार, जी मैं चरणा शीश....
Roman Transliteration
Simandhar Bhagwan ji main charnan shish namaun, ji main darshan kin vidh paun. ji mhari vinatdi avadharo, ji mohe taro par utaro. ji sansar lagai chhai kharo, ji vairagya lagai chhai pyaro. ji mhara avagaman nivaro, ji Simandhar bhagvan..
1. Simandhar prabhuji nai pranmun, charnan shish namay. ap tanan gun mukh syun gayan mhara, bhav-bhav ra du:kh jay.. svam mhanra bhav-bhav ra du:kh jay, ji main charnan...
2. chautis atishay ati shobhta, vani gun paintis. ek sahans ath lakhan virajai, jitya rag n rish..
3. kaya unchi dhanush panch sau, sutar men vistar. sphatik sinhasan ap virajya, thapya tirath chyar..
4. jhigmig jyot jhigamig dipai, kanchan varni kay. chausath Indra karai thanri seva, sur nar lagai pay..
5. hivde men to huns ghani chhai, darshan karun tihan ay. ada parvat bahti nadiyan, ayo kinvidh jay..
6. Dev mitra isado nahi mharai, viman men baisay. shakti nahin main kinvidh aun, labdhi n phodi jay..
7. ih bhav men to ay nahin sakun, karun jun kod upay. sutar manhi vachan apara, chalun nirmal nyay..
8. shil rathe upar besi nai, Dharm dhvaja phahray. samkit jyoti kari agavani, karan jog chitta lyay..
9. jnan katari kas kar bandhun, tap rupi talvar. rag dvesh doy patla padun, karadyun khevo par..
10. sutra vachan parman kari nai, chyar kashay nivar. Arihant, Siddha tana gun gaun, im utarun bhav par.. svam mhara im utarun bhav par, ji main charna shish....