समाधि गीत-भावै भावना
Samadhi Git-Bhavai Bhavna
2381
समाधि गीत-भावै भावना — Lyrics
समाधि गीत-भावै भावना 1. पुण्य पाप पूरब कृत, सुख दु:ख ना कारण रे, पिण अन्य जन नहीं, इम करै विचारण रे।
2. पूरब-कृत अघ जो, भोगवियां मुकाई रे। पिण वेद्यां बिना, नहिं छूटको थाई रे।
3. जो नरक विषै म्हैं, दु:ख सह्यो अनन्तो रे। तो ए मनुष्य नो, किंचित दु:ख हुंतो रे।।
4. जे समकित बिण म्हैं, चारित्र नीं किरिया रे। बार अनंत करी, पिण काज न सरिया रे।।
5. हिव समकित चारित, दोनूं गुण पायो रे। वेदन समपणै, सह्यां लाभ सवायो रे।।
6. ओ तो अल्पकाल में, टूटै अघ-जालो रे। भगवति सूत्र में, कह्युं परम कृपालो रे।।
7. सूको तृण पूलो, जिम अग्नि विसेहो रे। शीघ्र भसम हवै, तिम कर्म दहेहो रे।।
8. जिम तप्त तवे जल-बिंदु बिललावै रे। तिम दुख समचिते, सह्यां अघ क्षय थावै रे।।
9. दु:ख अल्प काल में, मुनि गजसुकमालो रे। समभावे करी, लहि शिवपट-शालो रे।।
10. अति तीव्र वेदना, बहु वर्ष विचारो रे। सहि शिव संचरया, चक्री सनतकुमारो रे।।
11. जिन कल्पिक साधु, लियै कष्ट उदीरो रे। तो आव्यां उदय, किम थाय अधीरो रे?
12. सहि चरम जिनेश्वर, वेदन असरालो रे। समभावे करी, तोड्या अघ-जालो रे।
13. कष्ट अल्प काल रो, पछै सुर-पद ठामो रे। काल असंख लगै, दु:ख रो नहिं कामो रे।।
14. सह्या बार अनन्ती, दु:ख नरक निगोदो रे। तो आ वेदना, सहुं आण प्रमोदो रे।
15. रह्यो गर्भावासे, सवा नव मासो रे। तो आ वेदना, सहुं आण हुलासो रे।।
16. अति रोग पीड़ाणा, जग दुख बहु पावै रे। ते संभरी सहै, वेदन समभावै रे।।
17. शूली फांसी फुन, भालां सूं भेदै रे। बहुजन जग विषे, अति वेदन वेदै रे।।
18. ते तो जीव आज्ञानी, हूं तो ज्ञान सहीतो रे। समभावे सहूं, वेदन धर प्रीतो रे।।
19. ए तो सुख नौं हेतु, सहियां सम भावै रे। बहु अघ निर्जरै, पुन्य थाट बंधावै रे।
20. बहु कर्म निर्जरयां, थोड़ा भव मांहों रे। शिव-पद् संचरै, आवागमन मिटायो रे।।
21. सुर सुख नीं बाछा, मन में नहिं कीजै रे। सुख सुरलोक नां, दु:ख हेतु कहीजै रे।।
22. सुख आतकीम नीं, बांछा मन करतो रे। इह विध वेदना, सहै समचित धरतो रे।।
23. पुद्गल सुख पामला, तिण में गृद्ध थावै रे। अघ संचो हुवै, अधिको दु:ख पावै रे।।
24. नरइंद सुरिंद ना, काम भोग कंटाला रे। तस बांछा कियां, दु:ख परम पयाला रे।।
25. तिण सूं मुनि वेदन, सहै शिवसुख-कामी रे। धर्म शुकल भलो, ध्यावै चित धामी रे।।
26. बहु कर्म-निर्जरा, तिण ऊपर दृष्टी रे। राखै महामुनि, समता री सृष्टी रे।।
27. स्वजनादिक ऊपर, छांडै स्नेह-पासा रे। अति निर्मल चिते, शिवपुर नी आशा रे।।
28. संग तिरियादिक ना, जाणै भुजन समाणा रे। समभावे रहै, मुनिवर महास्याण रे।।
29. क्रोधादिक टाली, सम भावन सारो रे। दृढ़ चित करि धरै, ए अष्टम द्वारो रे।।
Roman Transliteration
samadhi git-bhavai bhavna 1. punya pap purab krit, sukh du:kh na karan re, pin anya jan nahin, im karai vicharan re.
2. purab-krit agh jo, bhogviyan mukai re. pin vedyan bina, nahin chhutko thai re.
3. jo narak vishai mhain, du:kh sahyo ananto re. to e manushya no, kinchit du:kh hunto re..
4. je samkit bin mhain, charitra nin kiriya re. bar anant kari, pin kaj n sariya re..
5. hiv samkit charit, donun gun payo re. vedan samapnai, sahyan labh savayo re..
6. o to alpakal men, tutai agh-jalo re. bhagavti sutra men, kahyun param kripalo re..
7. suko trin pulo, jim agni viseho re. shighra bhasam havai, tim Karm daheho re..
8. jim tapta tave jal-bindu billavai re. tim dukh samchite, sahyan agh kshay thavai re..
9. du:kh alpa kal men, Muni gajsukamalo re. sambhave kari, lahi shivapat-shalo re..
10. ati tivra vedna, bahu varsha vicharo re. sahi shiv sancharya, chakri sanatkumaro re..
11. Jin kalpik sadhu, liyai kashta udiro re. to avyan uday, kim thay adhiro re?
12. sahi charam jineshvar, vedan asaralo re. sambhave kari, todya agh-jalo re.
13. kashta alpa kal ro, pachhai sur-pad thamo re. kal asankh lagai, du:kh ro nahin kamo re..
14. sahya bar ananti, du:kh narak nigodo re. to a vedna, sahun an pramodo re.
15. rahyo garbhavase, sava nav maso re. to a vedna, sahun an hulaso re..
16. ati rog pidana, jag dukh bahu pavai re. te sambhri sahai, vedan sambhavai re..
17. shuli phansi phun, bhalan sun bhedai re. bahujan jag vishe, ati vedan vedai re..
18. te to jiv ajnani, hun to jnan sahito re. sambhave sahun, vedan dhar prito re..
19. e to sukh naun hetu, sahiyan sam bhavai re. bahu agh nirjarai, punya that bandhavai re.
20. bahu Karm nirjaryan, thoda bhav manhon re. shiv-pad sanchrai, avagaman mitayo re..
21. sur sukh nin bachha, man men nahin kijai re. sukh surlok nan, du:kh hetu kahijai re..
22. sukh atakim nin, banchha man karto re. ih vidh vedna, sahai samchit dharto re..
23. pudgal sukh pamla, tin men griddha thavai re. agh sancho huvai, adhiko du:kh pavai re..
24. naraind surind na, kam bhog kantala re. tas banchha kiyan, du:kh param payala re..
25. tin sun Muni vedan, sahai shivsukh-kami re. Dharm shukal bhalo, dhyavai chit dhami re..
26. bahu Karm-nirjara, tin upar drishti re. rakhai mahamuni, samta ri srishti re..
27. svajnadik upar, chhandai sneh-pasa re. ati nirmal chite, shivpur ni asha re..
28. sang tiriyadik na, janai bhujan samana re. sambhave rahai, munivar mahasyan re..
29. krodhadik tali, sam bhavan saro re. dridh chit kari dharai, e ashtam dvaro re..