सुनो कहानी कनकप्रभा री
Suno Kahani Kanakprabha Ri
2543
सुनो कहानी कनकप्रभा री — Lyrics
सुनो कहानी कनकप्रभा री सुनो कहानी कनकप्रभा री सहज सरल जीवन पोथी तुलसी हाथां स्यूं रंग भर्यो प्रगटी पुण्याई कलधौती।।
1. बंगाल धरा पर जनम लियो दीक्षा भूमि महाराणा री, चंदेरी री उजली आभा आ गंगा है गंगाणा री। श्रम उपशम री गाथा गावां संयममय सारो जीवन है, स्वाध्याय सरोवर में न्हावै निर्मल मन निर्मल चिंतन है।।
2. समता ममता रो दिल दरियो ओ लहर लहर लहरावै है, संकल्प मनोबल नहि डोलै बो मेरू भी चकरावै है। जीवन रो लक्ष्य बण्यो ऊंचो गण गणपति स्यूं है इकतारी, गुरू इंगित नै सिर आंख धरै आणां है प्राणां स्यूं प्यारी।।,
3. सरदार गुलाबां री बातां म्हें सुणा जणा लागै क्हाणी, साम्हा देखा महाश्रमणी ने बे बातां जाणी पहचाणी। इतिहास रचायो शासन में साध्वीप्रमुखा असाधारण, तुलसी वाङ्मय रो संपादन पढ़ता ही जागै आकर्षण।।
4. ओ चयन दिवस माह बिद तेरस लागी खुशियां री रंगरली, सतियां रा मुखड़ा हरस रह्या म्हें आज मनावां दीवाली। अनुपम अनुशासन शैली रो ओ श्रमणी परिकर आभारी, थे साल हजारां राज करो खिलज्यां म्हारी मन फुलवारी।।
Roman Transliteration
suno kahani Kanakprabha ri suno kahani Kanakprabha ri sahaj saral jivan pothi Tulsi hathan syun rang bharyo pragti punyai kaldhauti..
1. bangal dhara par janam liyo diksha bhumi maharana ri, chanderi ri ujali abha a ganga hai gangana ri. shram upasham ri gatha gavan sanyamamay saro jivan hai, svadhyay sarovar men nhavai nirmal man nirmal chintan hai..
2. samta mamta ro dil dariyo o lahar lahar lahravai hai, sankalpa manobal nahi dolai bo meru bhi chakravai hai. jivan ro lakshya banyo uncho gan ganapti syun hai ikatari, guru ingit nai sir ankh dharai anan hai pranan syun pyari..,
3. sardar gulaban ri batan mhen suna jana lagai khani, samha dekha mahashramni ne be batan jani pahchani. itihas rachayo shasan men Sadhvipramukha asadharan, Tulsi vanmay ro sampadan padhta hi jagai akarshan..
4. o chayan divas mah bid teras lagi khushiyan ri rangarli, satiyan ra mukhda haras rahya mhen aj manavan divali. anupam anushasan shaili ro o shramni parikar abhari, the sal hajaran raj karo khilajyan mhari man phulvari..