तेरपथ रो भाग्य-विधाता,
Terapath Ro Bhagya-Vidhata,
2633
तेरपथ रो भाग्य-विधाता, — Lyrics
तेरपथ रो भाग्य-विधाता,
श्रमण संघ रो सक्षम त्राता,
लाखां आंखड़ल्यां रो तारों, हार हिबा रो लागे।
म्हानै सिरिययी रो संत प्यारो-प्यरो लागे।।
१. सत्य सिराणै सदा राखतो त्यागी सारी सुविधावां, जिनवाणी पर जीवन-जामा झोंक्या, बलिहारी जावां, बणी साधना सिद्धि स्वयं ही, चीर चल्यो सब वाधावां, आत्म-समर रै अमर वीर री रहै गौरव-गाथा गावां, पावां सुमिरण स्यूं सुखसाता, वण ज्यावां हां ताजा-माता, दाता ज्ञान-चक्षु रो, सूरज-सो उणिहारों लागै।।
२. त्याग तपोबल प्रबल मनोबल चकित-चकित मानव रहग्या, खड्या हुआ अवरोध जिता ही अपणै आप सभी ढहग्या, प्रतिस्त्रोत में बढ़्यो भले ही अनुस्त्रोत में सब बहग्या, पुण्य-पोरससो तेज भोर-सो घोर विरोधी भी कहग्या, मन संकल्प-शक्ति ही भारी, धार्मिक जन जुग-जुग आभारी, मावस रात में वो पूनम-सो उज़ारो लागै।।
३. पंथ चलाणो लक्ष्य नहीं हो,चल्या चरण बस पंथ वण्यो, कुण जाणै किण पुळ में दीपां मां अलवेलो पुत्र जण्यो, बचपन स्यूं बूढ़ापै तांई रह्यो सुरंगो वण्यो-ठण्यो, ढिगला-ढिगला रतन निकाळया, नहीं निरर्थक प्हाड़ खण्यों शासन में अनुशासन धाप्यो, मानदण्ड स्यूं जाय न माप्यो, व्याप्यो जन-जन रै मन-मन में मोहनगारो लागै।।
४. बिन वैराग भेष साधू रो भार गधे पर हाथी रो काच मिणकलो कठै ,कठै बो अणमोलो संयम-हीरो बड़ै घराणै रो चाहे-वैधव्य सरावै कुण कींरो? समझदार समझै है खोटै सिक्के री कीमत जीरो आ है सांवरियं री वाणी अनुभव रै छकणै स्यूं छाणी, कानां घणी सुहाणी झालर-सो झणकारो लागै।।
५. संविधान जद गदयो बढ़यो जस, हुई बगावतभी सागै घबराहट रो काम नहीं, चढ चल्यो स्वयं नाजुक धागै चंदों वीरी चंदू-वीरां फत्तू चयारां रै ठागै भेको आर नहीं थारै गहारै, जो पैर धर्रो आगै, रुकग्या चरण सतजुगीजी रा, सुणतां रेग्या संत सधीरा, आंखे झांखे बाबलिये रो काम करारो लागे।।
६. तूं कद दीक्षा लेसी, जब तक जिवै मेरण्यां मगरै री, दुलहिन रोवै न्याय, दुल्हो रोवै कुण-सी दुविधा हेरी? सुण्यां बात संजम री ताव चढ़े तब दीक्षा में देरी एक मस्यां दोन्यां नै लेणी पड़सी अणसण री सेरी इण विध कर-कर कड़ी कसौटी, चुपकै खींची सबरी चोटी, ज्यूं त्यूं मूंडणो बाबै ने जैर खारों लागै।।
७. आज्ञा धर्म अनाज्ञा अधरम चल्यो सफल अभियान जो, सही समझ दी धार्मिक जग नै ओ मोटो अवदान जो, जाग्रत जीवन जीयो, राखी सम्मुख साध्य महान जो, प्राप्त अतीन्द्रिय ज्ञान अपूरब साहस रो संधान जो, इच्छा मृत्यु वरी ज्योतिर्धर, पद्मासन में समता-निर्शर, स्वामी भवसागर रो जाणक लियो किनारो लागै।।
८. संवत दो हजार उणचाली सन् बंय्यासी खास है, वर्षा स्यूं आश्वासित पायो राणावास प्रवासहै, नव निर्वाचित आया राष्ट्राध्यक्षस्वयं सोललास है, निर्वाणोत्सव रो ज्ञानीजी गढ्यो अजब इतिहास है, मेहरा राज्यपाल रस पावै, माथुर मुदित-मुदित गुण गावै, जनता सरिता में न समावै, कांठै री कळियां खिल ज्यावै, गगन धरा गुंजावै जय भिक्षू रो नारो लागै
९. चंदन बैद वित्त मंत्री, शिक्षा मंत्री विख्यात है, श्रावक निष्ठापत्र पढ्यो आ नई हुई शुरुआत है, दीक्षा-सीन नवीन निहारों म्हारो यातायात है, आस्थामय उपवास हजारां सारो संघ सनाथ है, हेम मातृभूमी सिरियारी, भिक्षु-तपोभूमी सिरियारी, अंतिम अनशन-स्थल सिरियारी, स्वाम समाधि-स्थल सिरियारी, श्रद्धानत ठाकुर सिरियारी, 'तुलसी' सिरियारी रो निखण जिस्यो नजारो लागै।।
Roman Transliteration
terapath ro bhagya-vidhata,
shraman Sangh ro saksham trata,
lakhan ankhadalyan ro taron, har hiba ro lage.
mhanai siriyyi ro sant pyaro-pyaro lage..
1. satya siranai sada rakhto tyagi sari suvidhavan, jinvani par jivan-jama jhonkya, balihari javan, bani sadhna siddhi svayam hi, chir chalyo sab vadhavan, atma-samar rai amar vir ri rahai gaurav-gatha gavan, pavan sumiran syun sukhsata, van jyavan han taja-mata, data jnan-chakshu ro, suraj-so uniharon lagai..
2. tyag tapobal prabal manobal chakit-chakit manav rahagya, khadya hua avarodh jita hi apanai ap sabhi dhahagya, pratistrot men badhyo bhale hi anustrot men sab bahagya, punya-porasso tej bhor-so ghor virodhi bhi kahagya, man sankalpa-shakti hi bhari, dharmik jan jug-jug abhari, mavas rat men vo punam-so uzaro lagai..
3. panth chalano lakshya nahin ho,chalya charan bas panth vanyo, kun janai kin pul men dipan man alavelo putra janyo, bachapan syun budhapai tani rahyo surngo vanyo-thanyo, dhigla-dhigla ratan nikalya, nahin nirarthak phad khanyon shasan men anushasan dhapyo, manadanda syun jay n mapyo, vyapyo jan-jan rai man-man men mohangaro lagai..
4. bin vairag bhesh sadhu ro bhar gadhe par hathi ro kach minaklo kathai ,kathai bo anamolo sanyam-hiro badai gharanai ro chahe-vaidhavya saravai kun kinro? samajhdar samjhai hai khotai sikke ri kimat jiro a hai sanvriyam ri vani anubhav rai chhaknai syun chhani, kanan ghani suhani jhalar-so jhankaro lagai..
5. sanvidhan jad gadyo badhyo jas, hui bagavatbhi sagai ghabrahat ro kam nahin, chadh chalyo svayam najuk dhagai chandon viri chandu-viran phattu chayaran rai thagai bheko ar nahin tharai gaharai, jo pair dharro agai, rukagya charan satjugiji ra, suntan regya sant sadhira, ankhe jhankhe babliye ro kam kararo lage..
6. tun kad diksha lesi, jab tak jivai meranyan magrai ri, dulhin rovai nyay, dulho rovai kun-si duvidha heri? sunyan bat sanjam ri tav chadhe tab diksha men deri ek masyan donyan nai leni padsi anasan ri seri in vidh kar-kar kadi kasauti, chupkai khinchi sabri choti, jyun tyun mundno babai ne jair kharon lagai..
7. ajna Dharm anajna adharam chalyo saphal abhiyan jo, sahi samajh di dharmik jag nai o moto avadan jo, jagrat jivan jiyo, rakhi sammukh sadhya mahan jo, prapta atindriy jnan apurab sahas ro sandhan jo, ichchha mrityu vari jyotirdhar, padmasan men samta-nirshar, Swami bhavsagar ro janak liyo kinaro lagai..
8. sanvat do hajar unachali san banyyasi khas hai, varsha syun ashvasit payo ranavas pravashai, nav nirvachit aya rashtradhyakshasvayam sollas hai, nirvanotsav ro jnaniji gadhyo ajab itihas hai, mehra rajyapal ras pavai, mathur mudit-mudit gun gavai, janta sarita men n samavai, kanthai ri kaliyan khil jyavai, gagan dhara gunjavai jay bhikshu ro naro lagai
9. chandan baid vitta mantri, shiksha mantri vikhyat hai, shravak nishthapatra padhyo a nai hui shuruat hai, diksha-sin navin niharon mharo yatayat hai, asthamay upavas hajaran saro Sangh sanath hai, hem matribhumi siriyari, Bhikshu-tapobhumi siriyari, antim anashan-sthal siriyari, svam samadhi-sthal siriyari, shraddhanat thakur siriyari, 'Tulsi' siriyari ro nikhan jisyo najaro lagai..