संयममय

तप रो काम करारो।

Tap Ro Kam Kararo.

संयममय

गीत क्रमांक2686

तप रो काम करारो। — Lyrics

तप रो काम करारो। हाडां पर बाजै है जाणै, दिन में दीखे तारो।।ध्रु.।।

भाड़ो नहीं मिले तो तन में, सुस्ती सी आ जावै। हंसी खुशी दूरी भागै, बातां भी नहीं सुहावै। भीतर स्यूं जिवड़ो घबरावै, छा जावै अंधारो।।

छवमासी, चौमासी, बारहमासी करने दाला। हुया संघ में चोथी परिपाटी भी करने वाला। कोदर, भीम, अमीचंद सरिखा रो आवै बरतारो।।

तुलसी युग में एक साथ हुई पांच-पांच चौमासी। घोर तपस्वी मुनि सुख साध्वी पन्नां तप अभ्यासी। नया-नया तपसी प्रगटे, सतयुग सो दिव्य नजारो।।

tap ro kam kararo. hadan par bajai hai janai, din men dikhe taro..dhru...

bhado nahin mile to tan men, susti si a javai. hansi khushi duri bhagai, batan bhi nahin suhavai. bhitar syun jivdo ghabravai, chha javai andharo..

chhavmasi, chaumasi, barahmasi karne dala. huya Sangh men chothi paripati bhi karne vala. kodar, bhim, amichand sarikha ro avai bartaro..

Tulsi yug men ek sath hui panch-panch chaumasi. ghor tapasvi Muni sukh Sadhvi pannan tap abhyasi. naya-naya tapsi pragte, satyug so divya najaro..