तपस्या करणै स्यूं आ काया, कंचन सी बण ज्यावै है।
Tapasya Karnai Syun A Kaya, Kanchan Si Ban Jyavai Hai.
2692
तपस्या करणै स्यूं आ काया, कंचन सी बण ज्यावै है। — Lyrics
तपस्या करणै स्यूं आ काया, कंचन सी बण ज्यावै है। आत्म-भवन रो कचरो सारो, बाहर निकल ज्यावै है।।
इं माटी री काया नै मानव, खूब संवारे पोखै है एक बगत भी टल जावै तो, सगला कारज रोकै है पूरी रुखाली करता भी, तन स्यूं नर धोखो खावै है।।
कर तपस्या इंरो, सार निकालै, वो ही वीर कहावै है समता दृढ़ता स्यूं मासखमण तक, चढ़ साहस दिखलावै हैं कोई अठाई पखवाडो कर, चिकना कर्म खपावै है।।
द्रव्ये भावै लाभ है इण स्यूं, समझण वाला समझे है बिन खायां भी वै तपस्या में खायोड़ा ज्यूं ही रंजे है तन मन री बीमार्यां सारी, व्याकुलता मिट जावै हैं।।
Roman Transliteration
tapasya karnai syun a kaya, kanchan si ban jyavai hai. atma-bhavan ro kachro saro, bahar nikal jyavai hai..
in mati ri kaya nai manav, khub sanvare pokhai hai ek bagat bhi tal javai to, sagla karaj rokai hai puri rukhali karta bhi, tan syun nar dhokho khavai hai..
kar tapasya inro, sar nikalai, vo hi vir kahavai hai samta dridhta syun masakhaman tak, chadh sahas dikhlavai hain koi athai pakhvado kar, chikna Karm khapavai hai..
dravye bhavai labh hai in syun, samajhan vala samjhe hai bin khayan bhi vai tapasya men khayoda jyun hi ranje hai tan man ri bimaryan sari, vyakulta mit javai hain..