तू आयो है
Tu Ayo Hai
2706
तू आयो है — Lyrics
तू आयो है तू आयो है एकलो भाई! जासी एकाएक, कोई न सांगै चालसी, तूं करतलै जरा विवेक। देख हालत औरां री रे, करै क्यूं थारी म्हारी रे? क, अन्तर ज्ञान जगालै, जगत में साथी नहीं है कोई धारो।।
सगला भुगतै आपरी भाई! करणी आपो आप, गहराई स्यूं सोचलै तूं कुण बेटो? कुण बाप? खाड खिणसी सो पड़सी रे, जहर खासी सो मरसी रे, क, अन्तर ज्ञान जगालै, जगत् में साथी नहीं है कोई थारो।।
रहणो अपणै आप में भाई! ज्यूं जंगल रो कैर, नां कोई स्यूं मित्रता है नां कोई स्यूं बैर, मस्त है अपणी धुन में रे, मोज एकाकीपण में रे। क, अन्तर ज्ञान जगालै, जगत् में साथी नहीं है कोई थारो।।
सपने में भी सुख नहिं कोइ पावै पर-आधीन, आठ पहर आनन्द में है सदा सुखी स्वाधीन, रहै निज गुण में रमतो रे, आपरो आपो दमतो रे। क, अन्तर ज्ञान जगातै, जगत् में साथी नहीं है कोई थारो।।
मूल सकल संघर्ष रो है, द्वैत-भाव अवलोय, 'नमि ज्यूं एकाकी भलो' कोई दोय मिल्यां दुख होय, एकता सदा सुहावै रे, भावना 'तुलसी' भावै रे। क, अन्तर ज्ञान जगालै, जगत में साथी नहीं है कोई थारो।।
Roman Transliteration
tu ayo hai tu ayo hai ekalo bhai! jasi ekaek, koi n sangai chalsi, tun karatlai jara vivek. dekh halat auran ri re, karai kyun thari mhari re? k, antar jnan jagalai, jagat men sathi nahin hai koi dharo..
sagla bhugtai apari bhai! karni apo ap, gahrai syun sochlai tun kun beto? kun bap? khad khinsi so padsi re, jahar khasi so marsi re, k, antar jnan jagalai, jagat men sathi nahin hai koi tharo..
rahno apanai ap men bhai! jyun jangal ro kair, nan koi syun mitrata hai nan koi syun bair, masta hai apani dhun men re, moj ekakipan men re. k, antar jnan jagalai, jagat men sathi nahin hai koi tharo..
sapne men bhi sukh nahin koi pavai par-adhin, ath pahar ananda men hai sada sukhi svadhin, rahai nij gun men ramto re, aparo apo damto re. k, antar jnan jagatai, jagat men sathi nahin hai koi tharo..
mul sakal sangharsha ro hai, dvait-bhav avaloy, 'nami jyun ekaki bhalo' koi doy milyan dukh hoy, ekata sada suhavai re, bhavna 'Tulsi' bhavai re. k, antar jnan jagalai, jagat men sathi nahin hai koi tharo..