भिक्षू गुरु! तारो, तारो तारो तारो।
Bhikshu Guru! Taro, Taro Taro Taro.
435
भिक्षू गुरु! तारो, तारो तारो तारो। — Lyrics
भिक्षू गुरु! तारो, तारो तारो तारो। तारो पार उतारो, जग शरणागत थारो।।
१. दिव्य दिवाकर, निमल निशाकर उपमा हेत उतारो। समतुल तुलै न न्याय-तुला में हो मुकाबिले हारो।।
२. प्रबल प्रकाश सहज शीतलता रवि शशि में निरधारो। पर असफलता गर्भागार, विरहि-दिल दाझ निहारों।।
३. अन्धकार अनिवारनिवारै यद्यपि रवि बेचारो। पर अज्ञानी रै घट भीतर अधिकृत घोर अंधारो।।
४. शांत शशांक दिव्यता धारी दुर्लभ दर्शनवारो। आज अतल भूतल है परतख बीत गयो बरतारो।।
५. दिन में निशि में रवि शशि राजै, निशिदिन में न नजारो। आप अहर्निश दीपो दशुं दिश हो असहाय-सहारो।।
६. घटत बढ़त आतप ऋतु पख-पख देखे जग दोन्यां रो। एक समान तपो तरणीश्वर! अपनो विरुद विचारों।।
७. बाह्यातप अर बाह्य प्रकाशी अभिनन्दन दुनियां रो— पावै, भाव आत्म-प्रकाशी लल्यो वंदन स्वीकारो।।
८. मिथ्या-दर्शन रूढ़ क्रिया स्यूं तन मारग समता रो। भमै विषमता में जड़ता में कर धर आप उबारो।।
९. सम्यक दर्शन रो संस्पर्श सुध चरित्र संचारो। धर्मंसंघ रो सुदृढ़ संगठन है सौभाग्य सितारो।।
१०. दो हजार एक शुभ सम्वत सुजानगढ़ सुविचारों। चरमोत्सव दिन 'तुलसी' हुलसी गावै गुण गुंजारों।।
११. मुनि चालीस साठ ही सतियां शतक बण्यो उभयां रो। क्षण में सर्व समर्पण प्रस्तुत पाकर सुगुरु-इशारो।।
Roman Transliteration
bhikshu Guru! taro, taro taro taro. taro par utaro, jag sharnagat tharo..
1. divya divakar, nimal nishakar upama het utaro. samtul tulai n nyay-tula men ho mukabile haro..
2. prabal prakash sahaj shitalta ravi shashi men nirdharo. par asaphalta garbhagar, virhi-dil dajh niharon..
3. andhakar anivarnivarai yadyapi ravi becharo. par ajnani rai ghat bhitar adhikrit ghor andharo..
4. shant shashank divyata dhari durlabh darshanvaro. aj atal bhutal hai paratakh bit gayo bartaro..
5. din men nishi men ravi shashi rajai, nishidin men n najaro. ap aharnish dipo dashun dish ho asahay-saharo..
6. ghatat badhat atap ritu pakh-pakh dekhe jag donyan ro. ek saman tapo tarnishvar! apano virud vicharon..
7. bahyatap ar bahya prakashi abhinandan duniyan ro— pavai, bhav atma-prakashi lalyo vandan svikaro..
8. mithya-darshan rudh kriya syun tan marag samta ro. bhamai vishamta men jadta men kar dhar ap ubaro..
9. samyak darshan ro sansparsha sudh charitra sancharo. dharmansangh ro sudridh sangathan hai saubhagya sitaro..
10. do hajar ek shubh samvat sujanagadh suvicharon. charmotsav din 'Tulsi' hulsi gavai gun gunjaron..
11. Muni chalis sath hi satiyan shatak banyo ubhayan ro. kshan men sarva samarpan prastut pakar suguru-isharo..