गुरुजी म्हांनै सीख सुणाई जी।
Guruji Mhannai Sikh Sunai Ji.
861
गुरुजी म्हांनै सीख सुणाई जी। — Lyrics
गुरुजी म्हांनै सीख सुणाई जी।
वत्सलता री वृष्टि स्यूं, मेट्यो मन रो ताप। अनुशासन री यष्टि स्यूं, दूर भगायो पाप।।१।।
ईर्या समिति में सजग, रहो सदा दिन-रात। मन्द-मन्द गति चालणों, रुककर करणी बात।।२।।
सोच-सोच कर बोलणो, एक-एक वच तोल। प्रामाणिकता राखणी, नहिं राईभर पोल।।३।।
गण में स्थिर पद रोपणा, जाओ चाहे प्राण। निष्ठा स्यूं आराधणी, आचार्जां री आण।।४।।
सन्तां सीखो तत्त्व नैं, म्हे नहिं रहस्यां रोज। आगम री स्वाध्याय स्यूं, खूब करो नव खोज।।५।।
रखणी सेवाभावना, विनयभाव रै साथ। निर्भयता दिल में भरो, स्वयं बणो निजनाथ।।६।।
गंगा में युवराज पद, गंगा में गणराज। गंगा में तन नैं तज्यो, तेरापंथ-सरताज।।७।। संदर्भ : गुरुदेव तुलसी तृतीय मासिक पुण्यतिथि गंगाशहर, आश्विन कृष्णा ३ सं. २०५४
Roman Transliteration
guruji mhannai sikh sunai ji.
vatsalta ri vrishti syun, metyo man ro tap. anushasan ri yashti syun, dur bhagayo papa..1..
irya samiti men sajag, raho sada din-rat. manda-manda gati chalnon, rukakar karni bata..2..
soch-soch kar bolno, ek-ek vach tol. pramanikta rakhni, nahin raibhar pola..3..
gan men sthir pad ropna, jao chahe pran. nishtha syun aradhni, acharjan ri ana..4..
santan sikho tattva nain, mhe nahin rahasyan roj. agam ri svadhyay syun, khub karo nav khoja..5..
rakhni sevabhavna, vinaybhav rai sath. nirbhayta dil men bharo, svayam bano nijnatha..6..
ganga men yuvraj pad, ganga men ganraj. ganga men tan nain tajyo, Terapanth-sartaja..7.. sandarbha : Gurudev Tulsi tritiy masik punyatithi gangashahar, ashvin krishna 3 sam. 2054