लघु साधु वंदना
Laghu Sadhu Vandna
1389
लघु साधु वंदना — Lyrics
लघु साधु वंदना १. जिण मारग में धुर सूं आदि जिणंद क, त्यां आदि काढी जिण धर्म री जी। त्यांरी सेवा सारे सुर नर चौसठ इंद्र क, त्यां सारां पेली संजम लियो जी।।
२. जिण मारग में रिषभदेवजी नां पूत क, भरतेशर छ खंड नां धणी जी। त्यां पिण दीधा मुगति नगर नां सूत क, त्यागी चउसठ सहसं अन्तेवरू जी।।
३. समुद्र विजय सुत नेमि महा बलवान क, तीर्थंकर बावीसमां जी। तोरण सेती पाछी बाली जान क, तेल चढी तज नीकल्या जी।।
४. जिण मारग में प्रगट्या पारस नाथ क, जश नामी थया जगत में जी। दिख्या लीधी तीनसौ पुरुषां संघात क, जिण शासण नां अधिपती जी।।
५. जिण मारग में भगवंत श्री वर्धमान क, त्यां शूरपणै संजम लियो जी। कष्ट सही उपजायो केवलज्ञान क, (आज) शासण वरते तेहनों जी।।
६. शांति जिणेश्वर उपनां गर्भ में आय क, देश नगर में शांति हुई जी।। एकण भव में छहुं पदवी पाय क, मुगत गया तीरथ थापनैं जी।।
७. जिण मारग में शांति कुंथु अरनाथ क, तीरथ धर्म दीपावियो जी।। दिख्या लीधी सहंस पुरुष संघात क, मास संथारे सिद्ध थया जी।।
८.जिण मारग में तीर्थकर चौबीस क, क्षत्रिय कुल नां ऊपनां जी। त्यां सगला पाल्यो चारित विसवाबीस क, च्यारूं तीरथ थापिया जी।।
९. जिण मारग में सागर नामें राय क, साठ सहंस सुत मुवा सुणी जी। दीधी सगली छ खण्ड रिद्धि छिटकाय क, वेरागे मन वालियो जी।।
१०.जिण मारग में चक्री सनतकुमार क, तस रूप देखण देव आवियो जी।। रोग ऊपनों जांणी देही असार क, चारित ले मुगते गया जी।।
११.जिण भरत सगर मघव सनतकुमार क, शांति कुंथु अर जाणिये जी।। महापद्म हरिषेण जय नामे विचार क, ए दसूंइ चक्रवर्ती मोटका जी।।
१२. त्यांरे लख चौरासी हय गय रथ नां थाट क, चौसठ सहस्र अन्तेवरू जी। ते छोड्या पाय दल छ: खंड रिद्धि गहघाट क, जिण मारग कीयो दीपतो जी।।
१३.जिण मारग में नवूं ही बलदेव क, राज रमण सर्व परिहरी जी। मुगत पहुंता श्री जिनमारग सेय क, बलभद्र गया सुर पांचमे जी।।
१४. जिण मारग में दशारण नाम नरेंद्र क, देश दशारण को धणी जी। तास पारखा करवा आयो शक्रेंद्र क, वीर समीपे दिख्या ग्रही जी।।
१५. राय उदाई त्याग्या सोळै देश क, वीतभय पाटण नगर सहु जी। मुगत पहुंता आणी दया दिल रेंस क, राज भाणेजा नें थाप नैं जी।।
१६. जिण मारग में नमि नामे राय क, त्यागी सहंस नैं आठ अन्तेवरू जी। दश प्रश्न पूछ्या इन्द्र तिहां पे आय क, अडिग थके उत्तर दीया जी।।
१७. जिण मारग में पांचूं पांडव तांम क, द्रोपदी सहित संजम लियो जी। तपस्या कर नें सार्या आतम काम क, दो मास संथारे शिव लही जी।।
१८. जिण मारग में दवदंत नाम राजान क, हस्तीशीर्ष नगर नों धणी जी। तिण पांचूं पांडव नो गाळ दियो अभिमान क, चारित ले मुगते गयो जी।।
१९. जिण करकण्डू देश कलिंग नों राय क, दुमुही देश पंचाल नों जी। विदेह देश नो नमी राजा ताहि क, गंधार देश नों धणी जी।।
२०. जिण मारग में प्रत्येकबोधी चार क, राज रमणी सर्व परिहरी जी। दीक्षा लीधी च्यारूं एकणवार क, समकाले मुगते गया जी।।
२१. जिण मारग में संजती नामें राय क, शिकार गयो तिहां समझियो जी। तिण कंपिलपुर नों राज दियो छिटकाय क, गर्दभाली गुर आगले जी।।
२२. जिण मारग में त्यागी राष्ट्र देश नों राय क, क्षत्रिय राय संजम लियो जी। संजति राय नें मिलियो मारग मांय क, तिहां चरचा कोधी चूंप सूं जी।।
२३. जिण मारग में महाबल नाम राजान क, आठ रमण तिण परिहरी जी। छ काय जीवां ने दीयो अभयदान क, राज हथणापुर नों छोडियो जी।।
२४. जिण मारग में भरतेश्वर नां भाय क, अठाणूं एकण समे समझिया जी। त्यां चारित लियो रिषभ समीपे आय क, झगड़ो भाई सूं भांजियो जी।।
२५. जिण मारग में बाहुबल बुद्धिमान क, तिण जीती राइ संजम लियो जी। केवल पाम्यो छोड़ी निज अभिमान क, लघु बंधव तिहां वांद नैं जी।।
२६. जिण मारग में मुनिवर गजसुकुमाल क, बालपणे संजम लियो जी। त्यांरे मस्तक खीरा घाल्या बांधी पाल क, खिम्या कर मुगते गया जी।।
२७. जिण मारग में जम्बू नामे कुमार क, आठ परण ने परिहरी जी। आठां ने समझाई लीधी लार क, छेला हुवा केवली जी।।
२८. जिण मारग में भद्रा-सुत धन्नो जाण क, नगर काकंदी नो वासियो जी। जिण रा कीधा श्री वीर जिणंद बखाण क, सिरे चवदे सहंस अणगार में जी।।
२९. जिण थावच्चा पुत्र छोड़ी बत्तीसूं नार क, रूपे रंभा सारिखी जी। सहंस पुरुष संजम लियो तिण लार क, तिण रा मोच्छव कीधा कृष्णजी जी।।
३०. जिण मारग में साला बनेयां नीं जोड़ क, धन्नो नैं शालभद्र हुवा जी। चारित लीधो तड़के बंधन तोड़ क, माथे नाथ न सुहाइयो जी।।
३१. जिण मारग में कार्तिक नामे सेठ क सो बेलां पडिमा वही जी। पाछे संजम लीधी सगली सावज्ज मेट क, बाणोत्तर सहंस नें आठसौ जी।।
३२. जिण मारग में इत्यादिक तीर्थकर चक्रवर्त क बलदेव मंडलीक राजवी जी। सेठ सेनापति आदर मारग सार क, मुगति गया बले जावसी जी।।
३३. जिण मारग में मोरा देवी मात क, जननी रिषभ जिणंद नी जी। हाथी होदे केवलज्ञान उपाय क, सारां पेहली सिद्ध हुवा जी।।
३४. जिण मारग में ब्राह्मी सुंदरी जाण क, ते पुत्री रिषभ जिणंद री जी। दिख्या लीधी शूरपणो मन आण क, बाहुबल प्रतिबोधियो जी।।
३५. जिण, सीता सती सतियां में सिरदार क, तिणरे आल अणहुंतो आवियो जी। धीज उत्तर नें लीधो संजमभार क, ते इंद्र हुवा सुर बारमें जी।।
३६. जिण मारग में राजेमती राजकुमारि क, तेल चढी संजम लियो जी। वले तीनसौ जण्यां नीकली तिणरी लार क, मोटा कुल नीं ऊपनीं जी।।
३७. जिण मारग में अग्रमहिषी आठ क, पटराणी श्रीकृष्ण नीं जी। ते मुगत गई छै कर्म तणी जड़ काट क, वले पुत्रबहू दोय तेहनीं जी।।
३८. जिण, श्रेणिक नी राण्यां तेवीस क, त्यां वीर कनें संजम लियो जी। सगली तपस्या कीधी विसवाबीस क, कर्म खपाय मुगते गई जी।।
३९. अंजणा ने काढ़ी सास ससुरा मां तात क, आळ अणहूंतो आइयो जी। दुख वेद्या सती वस्तमाला संघात क, शील भले भाव पालियो जी।।
४०. जिण मारग में सुदर्शन नामे सेठ क, सुन्दर-रूप सुहामणो जी। रूपे रीझी पड़ी अभया राणी फेट क, मरणो मांड्यो शील कारणे जी।।
४१. द्रोपदी ने ले गयो पद्मोत्तर सायर लोप क, सुख विलसण संसार नां जी। अडिग रही ने केशव कीधो कोप क, शील भले भाव पाकियो जी।।
४२. मेणरया रो सुन्दर रूप आकार क, मनरथ बंधव मारियो जी। तत्क्षण सती तार लियो भरतार क, पुत्र बेहुं संयम लियो जी।
४३. जिण मारग में भिक्षु नें भारिमाल क, गुरु चेला हुआ दीपता जी। सगली जाणै चोथै आरै री चाल क, जिण मारग कियो दीपतो जी।।
४४. ए गुणमाला सांभलज्यो नर-नार क, साध श्रावक रा व्रत आदरो जी। होसी थांरी आतम रो उद्धार क, कर्म कटै तपस्या किंयां जी।।
Roman Transliteration
laghu sadhu vandna 1. jin marag men dhur sun adi jinand k, tyan adi kadhi jin Dharm ri ji. tyanri seva sare sur nar chausath indra k, tyan saran peli sanjam liyo ji..
2. jin marag men rishabhdevaji nan put k, bharteshar chh khand nan dhani ji. tyan pin didha mugti nagar nan sut k, tyagi chausath sahasam antevru ji..
3. samudra vijay sut nemi maha balvan k, Tirthankar bavisman ji. toran seti pachhi bali jan k, tel chadhi taj nikalya ji..
4. jin marag men pragatya paras nath k, jash nami thaya jagat men ji. dikhya lidhi tinsau purushan sanghat k, jin shasan nan adhipti ji..
5. jin marag men bhagavant shri vardhaman k, tyan shurapnai sanjam liyo ji. kashta sahi upajayo kevalajnan k, (aj) shasan varte tehnon ji..
6. shanti jineshvar upanan garbha men ay k, desh nagar men shanti hui ji.. ekan bhav men chhahun padvi pay k, mugat gaya tirath thapnain ji..
7. jin marag men shanti kunthu aranath k, tirath Dharm dipaviyo ji.. dikhya lidhi sahans purush sanghat k, mas santhare Siddha thaya ji..
8.jin marag men tirthakar chaubis k, kshatriy kul nan upanan ji. tyan sagla palyo charit visvabis k, chyarun tirath thapiya ji..
9. jin marag men sagar namen ray k, sath sahans sut muva suni ji. didhi sagli chh khanda riddhi chhitkay k, verage man valiyo ji..
10.jin marag men chakri sanatkumar k, tas rup dekhan Dev aviyo ji.. rog upanon janni dehi asar k, charit le mugte gaya ji..
11.jin bharat sagar maghav sanatkumar k, shanti kunthu ar janiye ji.. mahapadma harishen jay name vichar k, e dasuni chakravarti motka ji..
12. tyanre lakh chaurasi hay gay rath nan that k, chausath sahasra antevru ji. te chhodya pay dal chh: khand riddhi gahghat k, jin marag kiyo dipto ji..
13.jin marag men navun hi baldev k, raj raman sarva parihri ji. mugat pahunta shri jinmarag sey k, balabhadra gaya sur panchme ji..
14. jin marag men dasharan nam narendra k, desh dasharan ko dhani ji. tas parkha karva ayo shakrendra k, vir samipe dikhya grahi ji..
15. ray udai tyagya solai desh k, vitabhay patan nagar sahu ji. mugat pahunta ani daya dil rens k, raj bhaneja nen thap nain ji..
16. jin marag men nami name ray k, tyagi sahans nain ath antevru ji. dash prashna puchhya Indra tihan pe ay k, adig thake uttar diya ji..
17. jin marag men panchun pandav tamm k, dropdi sahit sanjam liyo ji. tapasya kar nen sarya atam kam k, do mas santhare shiv lahi ji..
18. jin marag men davadant nam rajan k, hastishirsha nagar non dhani ji. tin panchun pandav no gal diyo abhiman k, charit le mugte gayo ji..
19. jin karakandu desh kaling non ray k, dumuhi desh panchal non ji. videh desh no nami raja tahi k, gandhar desh non dhani ji..
20. jin marag men pratyekbodhi char k, raj ramni sarva parihri ji. diksha lidhi chyarun ekanvar k, samkale mugte gaya ji..
21. jin marag men sanjti namen ray k, shikar gayo tihan samjhiyo ji. tin kampilpur non raj diyo chhitkay k, gardabhali gur agale ji..
22. jin marag men tyagi rashtra desh non ray k, kshatriy ray sanjam liyo ji. sanjti ray nen miliyo marag many k, tihan charcha kodhi chump sun ji..
23. jin marag men mahabal nam rajan k, ath raman tin parihri ji. chh kay jivan ne diyo abhaydan k, raj hathnapur non chhodiyo ji..
24. jin marag men bharteshvar nan bhay k, athanun ekan same samjhiya ji. tyan charit liyo rishabh samipe ay k, jhagdo bhai sun bhanjiyo ji..
25. jin marag men bahubal buddhiman k, tin jiti rai sanjam liyo ji. keval pamyo chhodi nij abhiman k, laghu bandhav tihan vand nain ji..
26. jin marag men munivar gajsukumal k, balapne sanjam liyo ji. tyanre mastak khira ghalya bandhi pal k, khimya kar mugte gaya ji..
27. jin marag men jambu name kumar k, ath paran ne parihri ji. athan ne samjhai lidhi lar k, chhela huva kevli ji..
28. jin marag men bhadra-sut dhanno jan k, nagar kakndi no vasiyo ji. jin ra kidha shri vir jinand bakhan k, sire chavde sahans anagar men ji..
29. jin thavachcha putra chhodi battisun nar k, rupe rambha sarikhi ji. sahans purush sanjam liyo tin lar k, tin ra mochchhav kidha krishnaji ji..
30. jin marag men sala baneyan nin jod k, dhanno nain shalabhadra huva ji. charit lidho tadke bandhan tod k, mathe nath n suhaiyo ji..
31. jin marag men kartik name seth k so belan padima vahi ji. pachhe sanjam lidhi sagli savajja met k, banottar sahans nen athasau ji..
32. jin marag men ityadik tirthakar chakravarta k baldev mandlik rajvi ji. seth senapti adar marag sar k, mugti gaya bale javsi ji..
33. jin marag men mora devi mat k, janni rishabh jinand ni ji. hathi hode kevalajnan upay k, saran pehli Siddha huva ji..
34. jin marag men brahmi sundri jan k, te putri rishabh jinand ri ji. dikhya lidhi shurapno man an k, bahubal pratibodhiyo ji..
35. jin, sita sati satiyan men sirdar k, tinre al anahunto aviyo ji. dhij uttar nen lidho sanjambhar k, te indra huva sur barmen ji..
36. jin marag men rajemti rajkumari k, tel chadhi sanjam liyo ji. vale tinsau janyan nikli tinri lar k, mota kul nin upanin ji..
37. jin marag men agramhishi ath k, patrani shrikrishna nin ji. te mugat gai chhai Karm tani jad kat k, vale putrabhu doy tehnin ji..
38. jin, shrenik ni ranyan tevis k, tyan vir kanen sanjam liyo ji. sagli tapasya kidhi visvabis k, Karm khapay mugte gai ji..
39. anjana ne kadhi sas sasura man tat k, al anahunto aiyo ji. dukh vedya sati vastamala sanghat k, shil bhale bhav paliyo ji..
40. jin marag men sudarshan name seth k, sundar-rup suhamno ji. rupe rijhi padi abhaya rani phet k, marno mandyo shil karne ji..
41. dropdi ne le gayo padmottar sayar lop k, sukh vilasan sansar nan ji. adig rahi ne keshav kidho kop k, shil bhale bhav pakiyo ji..
42. menarya ro sundar rup akar k, manarath bandhav mariyo ji. tatkshan sati tar liyo bhartar k, putra behun sanyam liyo ji.
43. jin marag men Bhikshu nen bharimal k, Guru chela hua dipta ji. sagli janai chothai arai ri chal k, jin marag kiyo dipto ji..
44. e gunmala sambhalajyo nar-nar k, sadh shravak ra vrat adaro ji. hosi thanri atam ro uddhar k, Karm katai tapasya kinyan ji..