मघवा स्तुति
Maghava Stuti
1497
मघवा स्तुति — Lyrics
मघवा स्तुति जय पटधर ने आज मनावां, मघवा मघवा रटन लगावां। म्हैं मघवा रो ध्यान लगावां, पंडित मघवा रा गुण गावां। म्हांनै मघवा रो बरतारो चौथो आरो लागै। म्हांनै पंचम आचारज रो सायो प्यारो लागै।।
अठारह सौ वर्ष सिताणुं बन्ना आंगण अवतरिया। पूरणमल जी रे परिकर में, होग्या सहु हरिया भरिया। दीक्षा उन्नीसो आठ में, घटना सुण सारा डरिया। घोड़ी स्यूं उतार बैठाया, राज घराणे रे घरिया। बणग्या आपां रा रिछपाल, शासण रा हा गण गोपाल। ज्यांरी वीर वृति रो अद्भुत, एक नजारो लागै।।
शासण में सम्मान बढ़ायो, मघवा रो जय गणि भारी। जबर पुण्याई है मघ जी री, महिमा गाई जय भारी। चार तीर्थ में खुशियां छाई, प्रबल पौरुषो गुण क्यारी। शुभ चिन्हां री व्याख्या सुण सुण, हरषाई जनता सारी। घटना है आ इचरजकारी है गुणशेखर हिम्मत धारी। देखण वाला कहे, युगलिया सी आ जोड़ी लागै।।
मघवा री कोमल काया ही, शासण रा हा मुकुट मणि। पल पल ध्यावां गावां सारा, महिमा बांरी घणी घणी। हा रिछपाल संघ रा भारी, तेरापंथ रा प्रखर धणी। ओ सरदारशहर सौभागी, सफल साधना सिद्ध बणी। हे विशाल जमड़ा री हैली, लागै अद्भुत नव्य नवेली। जिणरो है इतिहास सुरंगो, बो मन मोहक लागै।।
मघवा गणपति री सहोदरी, थी गुलाब कोमल काया। सरस्वती रो रूप अनुपम, जय गणिवर ने फरमाया। था पुण्यवान पौरूषों जन मन, नजर्यां देख ने हरषाया। धर्मसंघ में सती शिरोमणि, नाम प्रमुख रख गुण गाया। शासण में थी सती महान, अजब गजब थी उनकी शान। ज्यांरी अनुशासन री घटना स्यूं दिल जोश जागे।।
सहन शीतलता री वे बातां, सुणता ही मन हरषावै। मिट्टी डाल पीठ पर देखो, संत एक वापिस आवै। योगा री स्थिरता हिमगिरी सी, दिल दरियो भी सरसावै। शासण नायक भाग्य विधायक, अमृत वाणी बरसावै। मघवा हा संस्कृत रा पंडित, हा वे जयाचार्य स्यूं मंडित। बारी गुण गाथा अब मुनि सुरेश सब गावां सागै।।
Roman Transliteration
Maghava stuti jay patadhar ne aj manavan, Maghava Maghava ratan lagavan. mhain Maghava ro dhyan lagavan, pandit Maghava ra gun gavan. mhannai Maghava ro bartaro chautho aro lagai. mhannai pancham acharaj ro sayo pyaro lagai..
atharah sau varsha sitanun banna angan avatriya. puranamal ji re parikar men, hogya sahu hariya bhariya. diksha unniso ath men, ghatna sun sara dariya. ghodi syun utar baithaya, raj gharane re ghariya. banagya apan ra richhpal, shasan ra ha gan gopal. jyanri vir vriti ro adbhut, ek najaro lagai..
shasan men samman badhayo, Maghava ro jay gani bhari. jabar punyai hai magh ji ri, mahima gai jay bhari. char tirtha men khushiyan chhai, prabal paurusho gun kyari. shubh chinhan ri vyakhya sun sun, harshai janta sari. ghatna hai a icharajkari hai gunshekhar himmat dhari. dekhan vala kahe, yugliya si a jodi lagai..
Maghava ri komal kaya hi, shasan ra ha mukut mani. pal pal dhyavan gavan sara, mahima banri ghani ghani. ha richhpal Sangh ra bhari, Terapanth ra prakhar dhani. o sardarashahar saubhagi, saphal sadhna Siddha bani. he vishal jamda ri haili, lagai adbhut navya naveli. jinro hai itihas surngo, bo man mohak lagai..
Maghava ganapti ri sahodri, thi gulab komal kaya. Saraswati ro rup anupam, jay ganivar ne pharmaya. tha punyavan paurushon jan man, najaryan dekh ne harshaya. dharmasangh men sati shiromni, nam pramukh rakh gun gaya. shasan men thi sati mahan, ajab gajab thi unaki shan. jyanri anushasan ri ghatna syun dil josh jage..
sahan shitalta ri ve batan, sunta hi man harshavai. mitti dal pith par dekho, sant ek vapis avai. yoga ri sthirta himgiri si, dil dariyo bhi sarsavai. shasan nayak bhagya vidhayak, amrit vani barsavai. Maghava ha sanskrit ra pandit, ha ve Jayacharya syun mandit. bari gun gatha ab Muni suresh sab gavan sagai..