ओ लगी पांख सी संत-सत्यांरै दोड्या आवैरे,
O Lagi Pankh Si Sant-Satyanrai Dodya Avaire,
1955
ओ लगी पांख सी संत-सत्यांरै दोड्या आवैरे, — Lyrics
ओ लगी पांख सी संत-सत्यांरै दोड्या आवैरे, गुरु चरणां रा दर्शन पा मन मोद न मावै रे ओ गण री आब बढ़ावै रे, ओ जीवन धन्य बणावै रे।।
स्वामीजी अपणै हाथां स्यूं बाग लगायो रे, उत्तरवर्ती आचारज इण नैं सरसायो रे, इणरी तुलना कोई दूजो कर नहीं पावै रे, ओ गण री।।१।।
गण फुलवारी रा अै फूलड़ा, नित मुस्कावै रे, महाप्रज्ञ सा माली पाकर भाग सरावै रे निरख-निरख कर नव रचना हियड़ो हरसावै रे, ओ गण री।।२।।
संत-सत्यां बिच बैठ्या गुरुवर मन नै मोहै रे, ज्यूं तारा मण्डल बिच चन्दो नभ में सोहै रे, मुख री तेज रश्मियां आगै रवि शरमावै रे, ओ गण री।।३।।
एक सुगुरु इंगित पर सारा कदम बढ़ावै रे, चरणां में कर पूर्ण समर्पण मौज मनावै रे, नदियां सागर में आकर ज्यूं घुल मिल ज्यावै रे, ओ गण री।।४।।
'विजय' भिक्षु गण नन्दन वन है इण में खेलो रे, डूंगरगढ़ में च्यार तीर्थ रो लाग्यो मेलो रे, वर्धमान मोछब रो मौको घणो सुहावै रे, ओ गण री।।५।।
Roman Transliteration
o lagi pankh si sant-satyanrai dodya avaire, Guru charnan ra darshan pa man mod n mavai re o gan ri ab badhavai re, o jivan dhanya banavai re..
svamiji apanai hathan syun bag lagayo re, uttaravarti acharaj in nain sarsayo re, inari tulna koi dujo kar nahin pavai re, o gan ri..1..
gan phulvari ra ai phulda, nit muskavai re, Mahapragya sa mali pakar bhag saravai re nirakh-nirakh kar nav rachna hiydo harsavai re, o gan ri..2..
sant-satyan bich baithya guruvar man nai mohai re, jyun tara mandal bich chando nabh men sohai re, mukh ri tej rashmiyan agai ravi sharmavai re, o gan ri..3..
ek suguru ingit par sara kadam badhavai re, charnan men kar purna samarpan mauj manavai re, nadiyan sagar men akar jyun ghul mil jyavai re, o gan ri..4..
'vijay' Bhikshu gan nandan van hai in men khelo re, dungaragadh men chyar tirtha ro lagyo melo re, vardhaman mochhab ro mauko ghano suhavai re, o gan ri..5..