ओ तो लाडांजी रो वीरो, माता वदना रो लाल,
O To Ladanji Ro Viro, Mata Vadna Ro Lal,
1975
ओ तो लाडांजी रो वीरो, माता वदना रो लाल, — Lyrics
ओ तो लाडांजी रो वीरो, माता वदना रो लाल, चमक्यों चंदेरी से चांद,साची श्रद्धा रो धाम, सोतां—उठता करां हां परणाम जी—2 ।।
कुं-कू रा पगल्या लख छत पर माता मोद मनायो हो, भागी सुत आयो है घर में,सब अनुमान लगायो हो, मंगल स्वर महिलावां गाया, अवतरिया ज्यूं राम, गोकुल रा घनश्याम, ओ तो ..... ।।1।।
ग्यारह वर्षां री उमर में संयम श्री स्वीकारी जी, कालू गणी सिर हाथ धर्यो हो मोटा हा उपकारी जी, वय बावीस वर्ष में खुलग्यो, एक नया आयाम, आचारज अभिराम ओ तो ..... ।।2।।
देश—विदेश में तेरापंथ रो झण्डो फहरावै हो, गौरवशाली जीवन गाथा हर जन शीश झुकावै हो, स्वर्णाक्षर में अंकित रहसी, प्यारो तुलसी नाम, जन सुमरै आठूं याम, ओ तो .... ।।3।।
प्रभु रै अवदानां से कोई पार नहीं म्है पावां हां, ‘विजय’ देव रै उपकारां पर म्है बलिहारी जावां हां, मन मन्दिर में बसो नाथ ! थे, सारो वांछित काम, मेटो थे कष्ट तमाम, ओ तो ..... ।।4।।
Roman Transliteration
o to ladanji ro viro, mata vadna ro lal, chamakyon chanderi se chand,sachi shraddha ro dham, sotan—uthata karan han parnam ji—2 ..
kun-ku ra pagalya lakh chhat par mata mod manayo ho, bhagi sut ayo hai ghar men,sab anuman lagayo ho, Mangal svar mahilavan gaya, avatriya jyun Ram, gokul ra ghanashyam, o to ..... ..1..
gyarah varshan ri umar men sanyam shri svikari ji, Kalu gani sir hath dharyo ho mota ha upakari ji, vay bavis varsha men khulagyo, ek naya ayam, acharaj abhiram o to ..... ..2..
desh—videsh men Terapanth ro jhando phahravai ho, gauravshali jivan gatha har jan shish jhukavai ho, svarnakshar men ankit rahsi, pyaro Tulsi nam, jan sumrai athun yam, o to .... ..3..
Prabhu rai avadanan se koi par nahin mhai pavan han, ‘vijay’ Dev rai upakaran par mhai balihari javan han, man mandir men baso nath ! the, saro vanchhit kam, meto the kashta tamam, o to ..... ..4..