राखो परठण पूंजण रो
Rakho Parathan Punjan Ro
2162
राखो परठण पूंजण रो — Lyrics
राखो परठण पूंजण रो राखो परठण पूंजण रो पूरो ध्यान, सीखावै माता पांचवीं खड़ी। देखो जैनागम सुविधान, दिखावै माता पांचवीं खड़ी।।
१. तीजी समिती स्यूं भी बढ़कर है पंचमी बताई। रात-प्रात बिरखा-पाणी में, इणनै रोकण री मनाई
२. भोजन-पाणी स्यूं पहलां परठण री जग्यां जरूरी। इण बिन संतां रै प्रवास में है कठिनाई पूरी।।
३. जयणा स्यूं भोजन करतां ज्यूं अघ-दल ढीला पाड़ै। त्यूं उत्सर्ग-साधना करतां, मुनिवर कर्म पछाड़ै।।
४. घृणित समझ उत्सर्ग काम री करो न मन में ग्लानी। महानिर्जरा ब्यावच मोटी 'नन्दीषेण' कहाणी।।
५. एक घड़ी दिन थकां शाम का, परठण खेत्र पलेणो। 'किस्या ऊंट बैठ्या है' कहकर मत ना मारो मेणो।।
६. नहीं नीपजै आत्म-असंयम, पलै प्रभू री आणां। टलै सहज में लोक-अवज्ञा, वरतो त्यूं मुनि स्याणां।
७. आवस्सहि निस्सहि चोविस्थव कालो-काले करणां। नियम नाम है सारा मोटा, झरता संयम-समता रा झरणां।।
८. धारण जोग वस्त्र पात्रादिक जो मुनि परठै जाणी। दण्ड निशीथ सूत्र में आख्यो, वीर प्रभू री वाणी।।
९. कालूगणि री सुन्दर शिक्षा, सुणी बाल-वय मांही। पांच समिति स्यूं समित रह्यो है 'तुलसी' सजग सदा ही।।
Roman Transliteration
rakho parathan punjan ro rakho parathan punjan ro puro dhyan, sikhavai mata panchvin khadi. dekho jainagam suvidhan, dikhavai mata panchvin khadi..
1. tiji samiti syun bhi badhakar hai panchmi batai. rat-prat birkha-pani men, inanai rokan ri manai
2. bhojan-pani syun pahlan parathan ri jagyan jaruri. in bin santan rai pravas men hai kathinai puri..
3. jayna syun bhojan kartan jyun agh-dal dhila padai. tyun utsarga-sadhna kartan, munivar Karm pachhadai..
4. ghrinit samajh utsarga kam ri karo n man men glani. mahanirjara byavach moti 'nandishen' kahani..
5. ek ghadi din thakan sham ka, parathan khetra paleno. 'kisya unt baithya hai' kahakar mat na maro meno..
6. nahin nipjai atma-asanyam, palai prabhu ri anan. talai sahaj men lok-avajna, varto tyun Muni syanan.
7. avassahi nissahi chovisthav kalo-kale karnan. niyam nam hai sara mota, jharta sanyam-samta ra jharnan..
8. dharan jog vastra patradik jo Muni parthai jani. danda nishith sutra men akhyo, vir prabhu ri vani..
9. kalugni ri sundar shiksha, suni bal-vay manhi. panch samiti syun samit rahyo hai 'Tulsi' sajag sada hi..