शासन स्वामी ओ, म्हारी सुणल्यो पुकार, अन्तर अज्ञान
Shasan Swami O, Mhari Sunalyo Pukar, Antar Ajnan
2295
शासन स्वामी ओ, म्हारी सुणल्यो पुकार, अन्तर अज्ञान — Lyrics
शासन स्वामी ओ, म्हारी सुणल्यो पुकार, अन्तर अज्ञान हटाओ ओ। अन्तर्यामी ओ, म्हारा जीवन आधार, नावा थे पार लगाओ ओ।।स्थायीपद।
स्वर्णिम अवसर बीत्यो जावै-२, जल धारा ज्यूं लौट न आवै-२, तेल दिये रो घटतो जावै, मन री उलझन मिट नहीं पावै, म्हारै भावां ने, प्रभुवर देशो आकार।।
चरणां में जो थारै आयो-२, उण ने थे सन्मार्ग दिखायो-२, अक्षय सुख रो स्रोत बहायो, जन्म मरण स्यूं उण नै बचायो, थांरी महिमा रो, नहीं पाऊं प्रभु पार।।
पर भावां री ममता छोडूं-२, आत्मगुणां स्यूं लयता जोडूं-२ , चंचल मन घोड़े ने मोडूं, कर्म जंजीरा झट स्यूं तोडूं, ओ वर मांगूं मैं, करल्यूं अपणो उद्धार
धर्म धुरा रा थे अधिकारी-२, प्राणदेव थे मैं हूं पुजारी-२, थे हो जन-जन रा उपकारी, जाऊं चरणां री बलिहारी, श्रद्धा म्हारी ओ करल्यो 'विजय' स्वीकार।।
Roman Transliteration
shasan Swami o, mhari sunalyo pukar, antar ajnan hatao o. antaryami o, mhara jivan adhar, nava the par lagao o..sthayipad.
svarnim avasar bityo javai-2, jal dhara jyun laut n avai-2, tel diye ro ghatto javai, man ri ulajhan mit nahin pavai, mharai bhavan ne, prabhuvar desho akar..
charnan men jo tharai ayo-2, un ne the sanmarga dikhayo-2, akshay sukh ro srot bahayo, janma maran syun un nai bachayo, thanri mahima ro, nahin paun Prabhu par..
par bhavan ri mamta chhodun-2, atmagunan syun layta jodun-2 , chanchal man ghode ne modun, Karm janjira jhat syun todun, o var mangun main, karalyun apano uddhar
Dharm dhura ra the adhikari-2, prandev the main hun pujari-2, the ho jan-jan ra upakari, jaun charnan ri balihari, shraddha mhari o karalyo 'vijay' svikar..