श्रावक व्रत धारो
Shravak Vrat Dharo
2318
श्रावक व्रत धारो — Lyrics
श्रावक व्रत धारो श्रावक! व्रत धारो। निज जीवन-धन सम्भारो रे, जैनागम रेस विचारो रे। क्षणिक विषय सुख खातिर आतुर, मानव भव मत हारो रे।।
१. अव्रत नाला है दगचाला, रोकण मारग बांरो रे आतम रूप तलाब नाव स्यूं, करण करम जल न्यारो रे।।
२. हिंसा वितथ अदत्त विषय रस, लोभ, क्षोभ करणारो रे। निज मंदिर में है अै तस्कर, खोज मिटावण आंरो रे।।
३. इर्ष्या द्वेष असूया मत्सर, मेटण क्लेश करारो रे। कलुषित हृदय कलह स्यूं दूषित, अपणी वृत्ति सुधारो रे।।
४. मुक्ति महल री पंचम पेड़ी, नेड़ी नजर निहारो रे। महावीर संतान-स्थान थे, कायरता न सिकारो रे।।
५. निरय तिरय गति निगम निरोधो, व्यन्तर असुर विसारो रे। ज्योतिष ऊपर वैमानिक सुर, सीधा डेरा डारो रे।।
६. धन्य जघन्य समय शिव सम्भव, तीन भवां निस्तारो रे। आत्मानन्द अमन्द अपूरव, व्रत-वैभव विस्तारो रे।।
७. त्याग नाग नहिं सिंह बाघ नहिं, माग नहीं भयवारो रे। हृदय विराग भाग जागरणा, क्यूं कांपै दिल थांरो रे।।
८. चित्त प्रधान पूणियो श्रावक, श्रावक-कुल उजियारो रे। आणन्दादि उपासक वरणन, सप्तम अंग सुप्यारो रे।।
९. शंख पोखली सूत्र भगवती, सुलसां नाम चितारो रे। सती चेलणा जबर जयन्ती, ज्यू निज जीवन तारो रे।।
१०. भिक्षु-रचित बारह व्रत चौपी, विस्तृत रूप विचारो रे। दृग गोचर अथवा श्रुति गोचर, कर कर आत्म उधारो रे। ११. उगणीसै निन्नाणूं वर्षे, चूरू पावस प्यारो रे। प्राणाधिक निज व्रत-सम्पत ने, 'तुलसी' सदा रुखारो रे।।
Roman Transliteration
shravak vrat dharo shravak! vrat dharo. nij jivan-dhan sambharo re, jainagam res vicharo re. kshanik vishay sukh khatir atur, manav bhav mat haro re..
1. avrat nala hai dagchala, rokan marag banro re atam rup talab nav syun, karan karam jal nyaro re..
2. hinsa vitath adatta vishay ras, lobh, kshobh karnaro re. nij mandir men hai ai taskar, khoj mitavan anro re..
3. irshya dvesh asuya matsar, metan klesh kararo re. kalushit hriday kalah syun dushit, apani vritti sudharo re..
4. mukti mahal ri pancham pedi, nedi najar niharo re. Mahavir santan-sthan the, kayarta n sikaro re..
5. niray tiray gati nigam nirodho, vyantar asur visaro re. jyotish upar vaimanik sur, sidha dera daro re..
6. dhanya jaghanya samay shiv sambhav, tin bhavan nistaro re. atmananda amanda apurav, vrat-vaibhav vistaro re..
7. tyag nag nahin sinh bagh nahin, mag nahin bhayvaro re. hriday virag bhag jagarna, kyun kampai dil thanro re..
8. chitta pradhan puniyo shravak, shravak-kul ujiyaro re. anandadi upasak varanan, saptam ang supyaro re..
9. shankh pokhli sutra bhagavti, sulsan nam chitaro re. sati chelna jabar jayanti, jyu nij jivan taro re..
10. Bhikshu-rachit barah vrat chaupi, vistrit rup vicharo re. drig gochar athava shruti gochar, kar kar atma udharo re. 11. uganisai ninnanun varshe, churu pavas pyaro re. pranadhik nij vrat-sampat ne, 'Tulsi' sada rukharo re..