श्रावकजी! थांरै संथांरै रो भारी रंग छायो।
Shravakji! Thanrai Santhanrai Ro Bhari Rang Chhayo.
2320
श्रावकजी! थांरै संथांरै रो भारी रंग छायो। — Lyrics
श्रावकजी! थांरै संथांरै रो भारी रंग छायो। भारी रंग छायो, थे जीवन सफल बणायो हो।।
१. परिणामां री चढ़ती श्रेणी, थे हरदम राखीज्यो। काया रो तज ध्यान, आतमा में गहरो झांकीज्यो। भावां रो समझ्या मोल जी, लीज्यो निज बल नै तोल जी धोरी बणकर पार करो, जो- खंधां भार उठायो हो।।
२. शूर चढ़ै रणखेतां में जद, साम्ही छाती भिड़ज्या। पूठ दिखा कर भाजै अरि-गण, पल में पैर उखड़ज्या। करमां स्यूं है संग्राम जी, थे जीतो बण निष्काम जी। अंतिम बाजी है जीवन री, आछो अवसर आयो हो।।
३. जीणै रो अनुराग नहीं, मरणै रो भय मत राख्या। मिटा विषमता भावां री, समता रो अमृत चाख्या। निश्चित है अब निस्तार जी, होवैलो खेवो पार जी, भव-सागर रो अपर किनारे, निजरां बीच समायो हो।।
४. राग द्वेष दो कर्म-बीज है, आं रो खोज गमाया। वीतरागता की दिशि में थे, आगै कदम बढ़ाया। काढ़या देही रो सार जी, खोल्या मुगती रो द्वार जी, संथारै पर आज 'बुद्ध मुनि', ओ उपदेश सुणायो हो।।
Roman Transliteration
shravakji! thanrai santhanrai ro bhari rang chhayo. bhari rang chhayo, the jivan saphal banayo ho..
1. parinaman ri chadhti shreni, the haradam rakhijyo. kaya ro taj dhyan, atama men gahro jhankijyo. bhavan ro samajhya mol ji, lijyo nij bal nai tol ji dhori banakar par karo, jo- khandhan bhar uthayo ho..
2. shur chadhai rankhetan men jad, samhi chhati bhidajya. puth dikha kar bhajai ari-gan, pal men pair ukhadajya. karman syun hai sangram ji, the jito ban nishkam ji. antim baji hai jivan ri, achho avasar ayo ho..
3. jinai ro anurag nahin, marnai ro bhay mat rakhya. mita vishamta bhavan ri, samta ro amrit chakhya. nishchit hai ab nistar ji, hovailo khevo par ji, bhav-sagar ro apar kinare, nijran bich samayo ho..
4. rag dvesh do Karm-bij hai, an ro khoj gamaya. vitragata ki dishi men the, agai kadam badhaya. kadhya dehi ro sar ji, kholya mugti ro dvar ji, santharai par aj 'buddha Muni', o upadesh sunayo ho..