स्वामीजी थारी साधना रो पार न कोई पायो।
Svamiji Thari Sadhna Ro Par N Koi Payo.
2578
स्वामीजी थारी साधना रो पार न कोई पायो। — Lyrics
स्वामीजी थारी साधना रो पार न कोई पायो। पार न कोई पायो, जन-मन अंधेर मिटायो हो।।
१. कळजुग में थे सतजुगवाळो, बरतारो बरतायो। जनता रै अन्तर मानस में, धर्म-विवेक जगायो। सुख-सुविधा सारी छोड़ दी, बहती धारा नै मोड़ दी, संयम-गंगा ल्याण भगीरथ— वाळो विरुद निभायो हो।।
२. नहीं साच नै आंच आण दी, नहीं धरयो पग पाछो। आगम-मंथन कर्यो अपूरव, सार निकाळ्यो आछो। आगै राखी प्रभु-आण जी, चाल्या अपणै ही पाण जी, निर्मलता हित ईं जीवन ने, सोने जिंयां तपायो हो।।
३. अणगिणती रा कष्ट उठाया, पण काची नहीं ताकी। 'करस्यां या मरस्यां' री थांरी, मजबूती जग आंकी। कई नमग्या अनमी ठूंठ जी, पछताया मदवा ऊँट जी, न्याय-तराजू पूरो तोल्यो, जग में नाम कमायो हो।।
४. संयम शुद्ध पलावण नै, भारी मर्यादा बांधी। परंपरा री टूटी कड़ियां, नयै सिरै स्यूं सांधी। थे जिन नहीं पण जिन-तुल्य जी, थांरी हर सीख अमूल्य जी, तेरापंथ बण्यो नन्दन-वन, सघळां शीस झुकायो हो।।
५. तैंयाळीसै चोमासो, सरदारपुरै रंग लाग्यो। जोधाणै में मोच्छव रो है, वातावरण सुहाग्यो। ओ शासन है जयवंत जी, शासनपति पुण्य अनंत जी, 'बुद्ध' छटा शासन री अनुपम, निरख-निरख हरसायो हो।।
Roman Transliteration
svamiji thari sadhna ro par n koi payo. par n koi payo, jan-man andher mitayo ho..
1. kaljug men the satjugavalo, bartaro bartayo. janta rai antar manas men, Dharm-vivek jagayo. sukh-suvidha sari chhod di, bahti dhara nai mod di, sanyam-ganga lyan bhagirath— valo virud nibhayo ho..
2. nahin sach nai anch an di, nahin dharyo pag pachho. agam-manthan karyo apurav, sar nikalyo achho. agai rakhi Prabhu-an ji, chalya apanai hi pan ji, nirmalta hit in jivan ne, sone jinyan tapayo ho..
3. anaginti ra kashta uthaya, pan kachi nahin taki. 'karasyan ya marasyan' ri thanri, majbuti jag anki. kai namagya anami thunth ji, pachhtaya madva unt ji, nyay-taraju puro tolyo, jag men nam kamayo ho..
4. sanyam shuddha palavan nai, bhari maryada bandhi. parampra ri tuti kadiyan, nayai sirai syun sandhi. the Jin nahin pan Jin-tulya ji, thanri har sikh amulya ji, Terapanth banyo nandan-van, saghlan shis jhukayo ho..
5. tainyalisai chomaso, sardarapurai rang lagyo. jodhanai men mochchhav ro hai, vatavaran suhagyo. o shasan hai jayavant ji, shasanapti punya anant ji, 'buddha' chhata shasan ri anupam, nirakh-nirakh harsayo ho..