बाबै रो शरणो बड़ो, भक्तां रो आधार है,
Babai Ro Sharno Bado, Bhaktan Ro Adhar Hai,
339
बाबै रो शरणो बड़ो, भक्तां रो आधार है, — Lyrics
बाबै रो शरणो बड़ो, भक्तां रो आधार है, श्रद्धा स्यूं ध्यायां, गुण गान गाया, होवै चमत्कार है।।
दीपां रो नंदन, अघदलभंजन, चन्दन ज्यूं शीतल, हो बो सांवरो, गंगा ज्यूं पावन, सरसब्ज उपवन, ज्यूं रहतो हरपल, हो बो सांवरो, है नाम मंगलकारी, जगत्उपकारी, जावै है बलिहारी, आ दुनिया सदा, मूरत मनहारी, दरश सुखकारी, जोड़े जो इकतारी, मिटै आपदा, बाबो है खेवटियो, पहुंचावै भव पार है, श्रद्धा स्यूं..।।1।।
त्रिभुवन उजारो, सब रो सहारो, गण रखवारो, भिखण नाम है, प्राणां स्यूं प्यारो, हार हियारो, आख्यां रो तारो, भिखण नाम है, मैं मन में बिठावां, म्हैं पलक बिछावां, म्हैं दिवला जलावां, भक्ति भाव रा, बाबै नै नित ध्यावां,म्हैं रटन लगावां, म्हैं फूलड़ा सजावां, भक्ति भाव रा, बाबै रे चरणां में नतशीष संसार है, श्रद्धा स्यूं...।।2।।
रुकणो न भायो, झुकणो न भायो, सत्पथ दिखायो, बो संसार नै, संशय मिटायो, दीप जलायो, मर्म बतायो, बो संसार नै, तेरापंथ शासन, लागै मनभावन, जन-जन रो आलम्बन, बण्यो आज है, रेह्वे है नित सावन, है मानो तपोवन, धरती रो नंदनवन, ओ सरताज है, 'विजय' मिल्यो सौभाग्य स्यूं रतनां रो भंडार है, श्रद्धा स्यूं...।।3।।
Roman Transliteration
babai ro sharno bado, bhaktan ro adhar hai, shraddha syun dhyayan, gun gan gaya, hovai chamatkar hai..
dipan ro nandan, aghadalabhanjan, chandan jyun shital, ho bo sanvro, ganga jyun pavan, sarasabja upavan, jyun rahto harapal, ho bo sanvro, hai nam mangalkari, jagatupakari, javai hai balihari, a duniya sada, murat manhari, darash sukhkari, jode jo ikatari, mitai apada, babo hai khevtiyo, pahunchavai bhav par hai, shraddha syun....1..
tribhuvan ujaro, sab ro saharo, gan rakhvaro, bhikhan nam hai, pranan syun pyaro, har hiyaro, akhyan ro taro, bhikhan nam hai, main man men bithavan, mhain palak bichhavan, mhain divla jalavan, bhakti bhav ra, babai nai nit dhyavan,mhain ratan lagavan, mhain phulda sajavan, bhakti bhav ra, babai re charnan men natshish sansar hai, shraddha syun.....2..
rukno n bhayo, jhukno n bhayo, satpath dikhayo, bo sansar nai, sanshay mitayo, dip jalayo, marma batayo, bo sansar nai, Terapanth shasan, lagai manbhavan, jan-jan ro alamban, banyo aj hai, rehve hai nit savan, hai mano tapovan, dharti ro nandanavan, o sartaj hai, 'vijay' milyo saubhagya syun ratnan ro bhandar hai, shraddha syun.....3..