भेट भवि चरण ले
Bhet Bhavi Charan Le
406
भेट भवि चरण ले — Lyrics
भेट भवि चरण ले
भेट भवि-चरण ले शरण भिक्षू तणो, मरण को डरण सब दूर भागै। करण जोगां तणीं खबर पड़ियां थकां, स्वाम भिक्षू तणी छाप लागै।।१।।
बुध के पूज भाजन भये भरत में, पंचमें काल असराल आरे। सूत्र नै वांचिया ज्ञान में राचिया, तरण तारण भवी जीव तारे।।२।।
प्रेम सूं पूज रो जाप जपतां थकां, बीज का चन्द ज्यूं अधिक थाई। दरसण कीजिए चरण चित दीजिए, शीजिये ज्ञान वैराग माही।।३।।
नाम सुणियां थकां स्वाम भिक्षू तणां, हूस हिया में हरख ऊठै। और हूं ओपमा कहा कहुं भविकजन, आगणे दूध को मेह बूठै।।४।।
त्याग संसार वैराग मन आण के, जाण के खायला कवण खोटा। सुत्तर शोधिया ज्ञान प्रमोदिया, जब छोड़िया पाखण्ड जाण खोटा।।५।।
(लय : आवियो रावणे)
काम एकन्त शिवपंथ को स्वाम के, देव अरहन्त को ध्यान ध्यावै। आगन्या बारला धर्म की वारता, कुण अज्ञानी के मन भावै।।६।।
सीख स्वामी तणी शीश राखो सदा, बीस विसवा तणी बात जाणो। जिनवर भाखिया तिम हिज दाखिया, शंक मन मांहि मत मूल आणो।।७।।
शोध सरधा सळी, नाहिं राखी गळी, आकरो एम आचार झाल्यो। आकरो एम आचार झाल्यो। शूरवीर साधु भणी माहि घाल्यो।।८।।
काम करड़ो घणो स्वाम सरधा तणो, हिय वैसणी दोहिली जाण भाई। हिम्मत धारज्यो, बात विचारज्यो, मरदमी राखज्यो मन्न माही।।९।।
काल अनादि सूं आप अरहन्त कह्यो, आगन्या मांहिलो धर्म म्हारो। निरवद बात ते आगन्या माय छै, सावज काम संसार सारी।।१०।।
वीर गणधर तणी पूज भिक्षू तणी, एक सरधा कछू फेर नाहीं। दूसरो मोय बतायद्यो भविकजन, शुद्ध साधू इण भरत माही।।११।।
पूज भिक्षू तणां साध अरु साधवी, वीर गणधर तणी चाल चालै। पांचवां काल में चीज चौथा तणी, भागला के मन मांहि सालै।।१२।।
आवलो बावलो होय के बैठतो, बुझतो बोल विपरीत बाको। 'महेश' अरजी करै एम कर जोड़ के, हेमजी स्वाम उपकार थाको।।१३।।
कहे कुगुरां तणे करम बांध्या घणा, हेम-को, मो-सिर शीश दावो। करज चुकाय द्यूं किशनगढ़ मांय ने, एक बार बलि फेर आवो।।१४।।
करम कठोर बाध्या घणा चीकणा, हेमजी स्वाम कूं दु:ख दीधो। जोख आवै जिके आप कीज्यो हिवै, पूज्य का चरण को शरण लीधो।।१५।।
Roman Transliteration
bhet bhavi charan le
bhet bhavi-charan le sharan bhikshu tano, maran ko daran sab dur bhagai. karan jogan tanin khabar padiyan thakan, svam bhikshu tani chhap lagai..1..
budh ke puj bhajan bhaye bharat men, panchmen kal asaral are. sutra nai vanchiya jnan men rachiya, taran taran bhavi jiv tare..2..
prem sun puj ro jap japtan thakan, bij ka chanda jyun adhik thai. darasan kijie charan chit dijie, shijiye jnan vairag mahi..3..
nam suniyan thakan svam bhikshu tanan, hus hiya men harakh uthai. aur hun opama kaha kahun bhavikajan, agane dudh ko meh buthai..4..
tyag sansar vairag man an ke, jan ke khayla kavan khota. suttar shodhiya jnan pramodiya, jab chhodiya pakhanda jan khota..5..
(lay : aviyo ravne)
kam ekanta shivapanth ko svam ke, Dev arahanta ko dhyan dhyavai. aganya barla Dharm ki varta, kun ajnani ke man bhavai..6..
sikh Swami tani shish rakho sada, bis visva tani bat jano. jinavar bhakhiya tim hij dakhiya, shank man manhi mat mul ano..7..
shodh sardha sali, nahin rakhi gali, akaro em achar jhalyo. akaro em achar jhalyo. shurvir sadhu bhani mahi ghalyo..8..
kam kardo ghano svam sardha tano, hiy vaisni dohili jan bhai. himmat dharajyo, bat vicharajyo, maradmi rakhajyo manna mahi..9..
kal anadi sun ap arahanta kahyo, aganya manhilo Dharm mharo. niravad bat te aganya may chhai, savaj kam sansar sari..10..
vir ganadhar tani puj bhikshu tani, ek sardha kachhu pher nahin. dusro moy batayadyo bhavikajan, shuddha sadhu in bharat mahi..11..
puj bhikshu tanan sadh aru sadhvi, vir ganadhar tani chal chalai. panchvan kal men chij chautha tani, bhagla ke man manhi salai..12..
avalo bavlo hoy ke baithto, bujhto bol viprit bako. 'mahesh' araji karai em kar jod ke, hemji svam upakar thako..13..
kahe kuguran tane karam bandhya ghana, hem-ko, mo-sir shish davo. karaj chukay dyun kishanagadh many ne, ek bar bali pher avo..14..
karam kathor badhya ghana chikna, hemji svam kun du:kh didho. jokh avai jike ap kijyo hivai, pujya ka charan ko sharan lidho..15..