भिक्षु स्वामी जी जगत में नामी जी
Bhikshu Swami Ji Jagat Men Nami Ji
2946
भिक्षु स्वामी जी जगत में नामी जी — Lyrics
भिक्षु स्वामी जी, जगत में नामी जी, शक्ति संचारो म्हारै तन-मन में, हो स्वामी! शक्ति संचारो म्हारै तन-मन में।।
कंटालियो कश्मीर बण्यो, या मरु रो मान सरोवर, राजहंस सो बालक भीखण, जन्म लियो ज्योतिर्धर। चुगसी मोती जी, देसी ज्योति जी, चुगसी आगम मोती जी, देसी जग नै ज्योति जी। शक्ति संचारो म्हारै तन-मन में।।
राजसमंद अमंद उमंगा, खिल्यो बोधि मंदार, ताव चढ्यो संताप मिट्यो, कर लियो सत्य स्वीकार। मिल्या गुरु चेला जी, मिट्या झमेला जी, मिलग्या जद गुरु चेला जी, मिटग्या सहज झमेलाजी। शक्ति संचारो म्हांरै तन-मन में।।
सुघरी री छतस्यां स्यूं, धर्म क्रांति रो बिगुल बजायो, केलवे अंधारी ओरी, पहलो पावस ठायो। परीषह झेल्या जी, मौत स्यूं खेल्या जी, परीषह भारी झेल्या जी, आर्य मौत स्यूं खेल्या जी। शक्ति संचारो म्हारै तन-मन में।।
चम्मालीस बरस तक सींची, शासण री फुलवारी, सात सुहाणा चौमासा, निर्वाणोत्सव सिरियारी। तीरथ प्यारो जी, जग में न्यारो जी, तीरथ प्यारो-प्यारो जी, जग में सब स्यूं न्यारो जी। शक्ति संचारो म्हारै तन-मन में।।
पावन पांच तीर्थ में मुखरित, ‘कनक’ भिक्षु इतिहास, आं’रै कण-कण स्यूं महकै है, त्याग-विराग सुवास। गौरव गावां जी, वैभव पावां जी, गण रो गौरव गावां जी, आत्मिक वैभव पावां जी। शक्ति संचारो म्हारै तन-मन में।।
Roman Transliteration
Bhikshu Swami ji, jagat men nami ji, shakti sancharo mharai tan-man men, ho Swami! shakti sancharo mharai tan-man men..
kantaliyo kashmir banyo, ya maru ro man sarovar, rajahans so balak Bhikhan, janma liyo jyotirdhar. chugsi moti ji, desi jyoti ji, chugsi agam moti ji, desi jag nai jyoti ji. shakti sancharo mharai tan-man men..
rajasamand amand umanga, khilyo bodhi mandar, tav chadhyo santap mityo, kar liyo satya svikar. milya Guru chela ji, mitya jhamela ji, milagya jad Guru chela ji, mitagya sahaj jhamelaji. shakti sancharo mhanrai tan-man men..
sughri ri chhatasyan syun, Dharm kranti ro bigul bajayo, kelve andhari ori, pahlo pavas thayo. parishah jhelya ji, maut syun khelya ji, parishah bhari jhelya ji, arya maut syun khelya ji. shakti sancharo mharai tan-man men..
chammalis baras tak sinchi, shasan ri phulvari, sat suhana chaumasa, nirvanotsav siriyari. tirath pyaro ji, jag men nyaro ji, tirath pyaro-pyaro ji, jag men sab syun nyaro ji. shakti sancharo mharai tan-man men..
pavan panch tirtha men mukhrit, ‘kanak’ Bhikshu itihas, an’rai kan-kan syun mahkai hai, tyag-virag suvas. gaurav gavan ji, vaibhav pavan ji, gan ro gaurav gavan ji, atmik vaibhav pavan ji. shakti sancharo mharai tan-man men..