झूठ
Jhuth
1032
झूठ — Lyrics
झूठ झूठ मत बोल भाया झूठ मत बोल ! साची बात री ही कीमत हुवै अनमोल ।।
1. घर कांई दुकानां में झूठ फैल्यो झूठ, चारों ओर थारै झूठ फैल्यो देख आख्यां खोल । ग्राहक आवै दुकानां में माल लेण ने, कान काटे बीरो कर कर झूठो तोल—मोल ।।
2. मालिक मजदूर और सेठ नौकर, धोको देवै सब लोगां ने घुमावै गोल—गोल । कालोधन जमाखोरी और तस्कर, हाथा आयां पछै थांरी स्थिति बणै डावां—डोल ।।
3. न्याय रो तराजू लैर जोम करै तूं, लेवै छाने मानै घूंस पछै करे गंडा—गोल । मिले शूली फांसी सारे उम्र री सजा, कांपै थर थर जद थांरी खुल ज्यावै पोल ।।
4. झूठ मत बोल आ ही सीख देवे, फिर भी झूठ स्यूं ही राखे तूं सदा ही मेल—जोल ।। सेठजी रो हार मिल्यो सत्य रे प्रताप, फुट्यो पाप रो घड़ो जद चौड़ी पट्टी—पोल । “स्वस्तिक” सत्य स्यूं ही बढ़सी सदा ही तोल—मोल ।।
Roman Transliteration
jhuth jhuth mat bol bhaya jhuth mat bol ! sachi bat ri hi kimat huvai anamol ..
1. ghar kani dukanan men jhuth phailyo jhuth, charon or tharai jhuth phailyo dekh akhyan khol . grahak avai dukanan men mal len ne, kan kate biro kar kar jhutho tol—mol ..
2. malik majdur aur seth naukar, dhoko devai sab logan ne ghumavai gol—gol . kalodhan jamakhori aur taskar, hatha ayan pachhai thanri sthiti banai davan—dol ..
3. nyay ro taraju lair jom karai tun, levai chhane manai ghuns pachhai kare ganda—gol . mile shuli phansi sare umra ri saja, kampai thar thar jad thanri khul jyavai pol ..
4. jhuth mat bol a hi sikh deve, phir bhi jhuth syun hi rakhe tun sada hi mel—jol .. sethji ro har milyo satya re pratap, phutyo pap ro ghado jad chaudi patti—pol . “svastik” satya syun hi badhsi sada hi tol—mol ..