झूठो जग रो नातो,
Jhutho Jag Ro Nato,
1034
झूठो जग रो नातो, — Lyrics
झूठो जग रो नातो, तूं मत हो ठंडो-तातो, पलक झपकतां पलटे माया, राख मिलायां खातो। झूठो....।।
१. आप-आपरी ही करणी, सघळां नै पड़सी भरणी, पार होवणी है ओखी, मोह-माया री वैतरणी। संभळ-संभळ जो पग धरसी, बो जीवन सफळो करसी, आंख मींच कर चालणियै रै, बधसी भव रो तांतो।।
२. सांस जितै ही आस अठै, बो नीठै जद ठोड़ कठै? जीतै जी रा सब साथी, मरतां ही बस तार कटै। पुण्य पाप सागै रैसी, भली बुरी बहाणी कैसी, सावधान होज्या अब स्यूं ही, बांध आगलो भातो।।
३. भौतिकता में है खूत्यो, घर की गाड़ी में जूत्यो, अध्यातम रै लेखै तो, निपट नींद में ही सूत्यो। जाग बखत ओ जागण रो, आत्म-लक्ष्य पर लागण रो, कांटा बोणा छोड, मार्ग में—बढ़ तूं फूल बिछातो।।
४. काळ अनंतो बीत्यो है, मन रो इमरत रीत्यो है, हारयो ही हारयो है तूं, जीवन-रण कद जीत्यो है? अबकै अवसर आयो है, 'बुद्ध' सुमार्ग दिखायो है, अप्रमत्त बण कर जीणै रो, चाली नियम निभातो।।
Roman Transliteration
jhutho jag ro nato, tun mat ho thando-tato, palak jhapaktan palte maya, rakh milayan khato. jhutho......
1. ap-apari hi karni, saghlan nai padsi bharni, par hovni hai okhi, moh-maya ri vaitarni. sambhal-sambhal jo pag dharsi, bo jivan saphlo karsi, ankh minch kar chalniyai rai, badhsi bhav ro tanto..
2. sans jitai hi as athai, bo nithai jad thod kathai? jitai ji ra sab sathi, martan hi bas tar katai. punya pap sagai raisi, bhali buri bahani kaisi, savdhan hojya ab syun hi, bandh agalo bhato..
3. bhautikta men hai khutyo, ghar ki gadi men jutyo, adhyatam rai lekhai to, nipat nind men hi sutyo. jag bakhat o jagan ro, atma-lakshya par lagan ro, kanta bona chhod, marga men—badh tun phul bichhato..
4. kal ananto bityo hai, man ro imarat rityo hai, haryo hi haryo hai tun, jivan-ran kad jityo hai? abakai avasar ayo hai, 'buddha' sumarga dikhayo hai, apramatta ban kar jinai ro, chali niyam nibhato..