जंबू
Jambu
1123
जंबू — Lyrics
जंबू
राजग्रही नां वासिया जी, जम्बू नाम कुंवार, राजग्रही नां वासिया जी, जम्बू नाम कुंवार, जम्बू! कह्यो मानले जाया! मत ले संजम भार।।१।।
सुधर्मा स्वामी पधारिया जी, राजग्रही रे माय। कोणिक वांदण चालियो जी, जम्बू वांदण जाय।।२।।
भगवन्त बाणी वागरी जी, बरसै इमरत धार। वाणी सुण वैरागियो जी, जाण्यो अधिर संसार।।३।।
घर आया माता कनैजी, विनवै बारम्बार। अनुमति दीज्यो मातजी, मैं लेस्यूस्यूं संजम भार। माता मोरी सांभलो, मैं लेस्यूं संजम भार।।४।।
माता—ए आठूं ही कामणी जम्बू! अपछर रै उणिहार। परणी नै किम परिहरो, ज्यांरो किम निकलै जमवार।।५।।
ए आठूं ही कामणी जम्बू! तुझ बिन विलखी थाय। रमियां ठनियां सूं नीसरै, ज्यांरो वदन कमल बिलखाय।।६।।
जम्बू—मतिहीणा कोई मानवी माता! मिथ्या मत भरपूर। रूप रमणी सूं राचिया, ज्यारी नहिं हुवै दुर्गति दूर, माता।।७।।
माता—पाल पोस मोटो कियो जम्बू! इम किम द्यो छिटकाय। मात पिता मेलै झूरता, थारै दया नहीं दिल मांय।।८।।
जम्बू—एक लोटो पाणी पियो, माता! मायर बाप अनेक। सगलां री दया पालसूं, माता! आणी चित्त विवेक।।९।।
माता—ज्यूं आंधां रै लाकड़ी, जम्बू! तू म्हारै प्राण आधार। तूझ बिन म्हारै जग सूनो जाया! जननी जीतब राख।।१०।।
जम्बू—रतन जड़त रो पींजरो, माता! सूवो जाणै फन्द। काम भोग संसार नां माता! ज्ञानी जाणै झूठा फन्द।।११।।
माता—पंच महाव्रत पालणा जम्बू! पांचूं ही मेरु समान। दोष बयांलीस टालणा जम्बू! लेणो सूझतो अन पान।।१२।।
जम्बू—पांच महाव्रत पालस्यूस्यूं माता! पांचूं ही शिखर समान। दोष बयालीस टालस्यूस्यूं माता! लेस्यूस्यूं सूझतो आ'र।।१३।।
माता—संजम मारग दोहिलो जम्बू! चालणो खाण्डै री धार। नदी किनारे रूंखड़ो जम्बू! जद कद होवै छार।।१४।।
चांद बिना किसी चांदणी, जम्बू! तारां बिना किसी रात। वीर बिना किसी बहनड़ी, जम्बू! झूरसी वार-तिवार।।१५।।
दीपक बिना मंदिर सूनो, जम्बू! पुत्र बिना परिवार। कन्त बिना किसी कामणी जम्बू! झूरसी बारू ही मास।।१६।।
जम्बू—मात-पिता मेळो मिल्यो, माता! मिल्यो अनन्ती वार। तारण समरथ को नहीं माता! पुत्र पिता परिवार।।१७।।
मोह मत करो म्हारा मातजी! मोह कियां बंधै कर्म। हालर हूलर कांय करो माता! करज्यो जिनजी रो धर्म।।१८।।
माता-ए आढठूं ही कामणी, जम्बू! सुख विलसो संसार। दिन पाछा पड़ियां पछै, थे तो लीज्यो संजम भार।।१९।।
जम्बू—ए आढठूं ही कामणी माता! समझाई एकण रात। जिनजी रो धर्म पिछाणियो, माता! संजम लेसी म्हारै साथ।।२०।।
मात-पिता नैं तारिया जम्बू! तारी छै आठूं ही नार। सासू-सुसरा नैं तारिया जम्बू! पांच सौ प्रभव परिवार। जम्बू भलो चेतियो थे तो लीनो संजम भार।।२१।।
पांच सो सत्ताई जणां स्यूस्यूं जम्बू लीनो संजम भार। इग्यारे जीव मुगते गया साधु बाकी स्वर्ग मझार।।२२।।
Roman Transliteration
jambu
rajagrahi nan vasiya ji, jambu nam kunvar, rajagrahi nan vasiya ji, jambu nam kunvar, jambu! kahyo manle jaya! mat le sanjam bhara..1..
sudharma Swami padhariya ji, rajagrahi re may. konik vandan chaliyo ji, jambu vandan jaya..2..
bhagavanta bani vagri ji, barsai imarat dhar. vani sun vairagiyo ji, janyo adhir sansara..3..
ghar aya mata kanaiji, vinvai barambar. anumti dijyo matji, main lesyusyun sanjam bhar. mata mori sambhlo, main lesyun sanjam bhara..4..
mata—e athun hi kamni jambu! apachhar rai unihar. parni nai kim parihro, jyanro kim niklai jamvara..5..
e athun hi kamni jambu! tujh bin vilkhi thay. ramiyan thaniyan sun nisrai, jyanro vadan kamal bilkhaya..6..
jambu—matihina koi manvi mata! mithya mat bharpur. rup ramni sun rachiya, jyari nahin huvai durgati dur, mata..7..
mata—pal pos moto kiyo jambu! im kim dyo chhitkay. mat pita melai jhurta, tharai daya nahin dil manya..8..
jambu—ek loto pani piyo, mata! mayar bap anek. saglan ri daya palsun, mata! ani chitta viveka..9..
mata—jyun andhan rai lakdi, jambu! tu mharai pran adhar. tujh bin mharai jag suno jaya! janni jitab rakha..10..
jambu—ratan jadat ro pinjro, mata! suvo janai phanda. kam bhog sansar nan mata! jnani janai jhutha phanda..11..
mata—panch mahavrat palna jambu! panchun hi meru saman. dosh bayanlis talna jambu! leno sujhto an pana..12..
jambu—panch mahavrat palasyusyun mata! panchun hi shikhar saman. dosh bayalis talasyusyun mata! lesyusyun sujhto a'ra..13..
mata—sanjam marag dohilo jambu! chalno khandai ri dhar. nadi kinare runkhdo jambu! jad kad hovai chhara..14..
chand bina kisi chandni, jambu! taran bina kisi rat. vir bina kisi bahandi, jambu! jhursi var-tivara..15..
dipak bina mandir suno, jambu! putra bina parivar. kanta bina kisi kamni jambu! jhursi baru hi masa..16..
jambu—mat-pita melo milyo, mata! milyo ananti var. taran samarath ko nahin mata! putra pita parivara..17..
moh mat karo mhara matji! moh kiyan bandhai karma. halar hular kany karo mata! karajyo jinji ro dharma..18..
mata-e adhathun hi kamni, jambu! sukh vilso sansar. din pachha padiyan pachhai, the to lijyo sanjam bhara..19..
jambu—e adhathun hi kamni mata! samjhai ekan rat. jinji ro Dharm pichhaniyo, mata! sanjam lesi mharai satha..20..
mat-pita nain tariya jambu! tari chhai athun hi nar. sasu-susra nain tariya jambu! panch sau prabhav parivar. jambu bhalo chetiyo the to lino sanjam bhara..21..
panch so sattai janan syusyun jambu lino sanjam bhar. igyare jiv mugte gaya sadhu baki svarga majhara..22..