खड़ी पुकारै मौत बारणै,
Khadi Pukarai Maut Barnai,
1270
खड़ी पुकारै मौत बारणै, — Lyrics
खड़ी पुकारै मौत बारणै, क्यूं तूं भूल्यो जावै रै? मूंघो मिनख-जमारो भोळा, मत तूं अहल गमावै रै।।
१. घणो कमायो खरच्यो खायो, भार बह्यो परिवार रो। पाव्यो पोस्यो जतनां स्यूं तन, सुख विलस्यो संसार रो। ढळनै लागी ऊमर तो भी, धरम न तनै सुहावै रै।।
२. खाली हाथां आयो है तूं, खाली हाथां जावैला। जिसो करयो है बिसो भरैला, कोई न आडो आवैला। सार काढले मिनख-जनम रो, मत ना बखत बितावै रै।।
३. घड़ी-घड़ी घट रयो आउखो, तूं सूत्यो परमाद में। ईं वेळां भी नहीं जाग्यो तो पछतावैला बाद में। बीत्यो अवसर लाख उपायां पाछो हाथ न आवै रै।।
४. धन धरती नहीं साथ चालसी, परिजन रोता रह ज्यासी। तन-मन रो बळ काम न देसी, जिण दिन सांस उखड़ ज्यासी। 'बुद्ध' धरम री खरी कमाई, भव-भव पार लगावै रै।।
Roman Transliteration
khadi pukarai maut barnai, kyun tun bhulyo javai rai? mungho minakh-jamaro bhola, mat tun ahal gamavai rai..
1. ghano kamayo kharachyo khayo, bhar bahyo parivar ro. pavyo posyo jatnan syun tan, sukh vilasyo sansar ro. dhalnai lagi umar to bhi, dharam n tanai suhavai rai..
2. khali hathan ayo hai tun, khali hathan javaila. jiso karyo hai biso bharaila, koi n ado availa. sar kadhle minakh-janam ro, mat na bakhat bitavai rai..
3. ghadi-ghadi ghat rayo aukho, tun sutyo parmad men. in velan bhi nahin jagyo to pachhtavaila bad men. bityo avasar lakh upayan pachho hath n avai rai..
4. dhan dharti nahin sath chalsi, parijan rota rah jyasi. tan-man ro bal kam n desi, jin din sans ukhad jyasi. 'buddha' dharam ri khari kamai, bhav-bhav par lagavai rai..