खुलै द्वार रो बण्यो पींजरो ,
Khulai Dvar Ro Banyo Pinjro ,
1280
खुलै द्वार रो बण्यो पींजरो , — Lyrics
खुलै द्वार रो बण्यो पींजरो , पंखीड़ो उड ज्यावैला। मन-मौजी नै लाख उपायां, कोई रोक न पावैला।।
१. घणै उपायां पाळै पोसै, घणै जतन स्यूं रखवाळै। निजर चूकतां ही परदेसी, सांझ-संवारै उठ चालै। निकळ गई जो बात हाथ स्यूं, पाछी कदे न आवैला।।
२. खोल आंख अर देख बावळा! केई चाल्या केई चालसी। काळ खड्यो है लियां गेडियो, सहु नै गेलै घालसी। नहीं कोई बच पायो जग में, जनम्यां नै जम खावैला।।
३. खड़यो नदी रै ढावै है तूं, ओछी जड़ रो रूंखड़ो। देर न लागैला बहणै में, पूर आ रयो ढूंकड़ो। सघळां री है दशा एक, कुण कीं नै आय बचावैला?
४. खिणभर री नहीं देर खटैला, नहीं बहानो चालैला। मौत बकारयां जाणो पड़सी, कुण थारो पख झालैला? 'बुद्ध' धरम रखवाळो, आडी-बिरियां हाथ बंटावैला।।
Roman Transliteration
khulai dvar ro banyo pinjro , pankhido ud jyavaila. man-mauji nai lakh upayan, koi rok n pavaila..
1. ghanai upayan palai posai, ghanai jatan syun rakhvalai. nijar chuktan hi pardesi, sanjh-sanvarai uth chalai. nikal gai jo bat hath syun, pachhi kade n availa..
2. khol ankh ar dekh bavla! kei chalya kei chalsi. kal khadyo hai liyan gediyo, sahu nai gelai ghalsi. nahin koi bach payo jag men, janamyan nai jam khavaila..
3. khadyo nadi rai dhavai hai tun, ochhi jad ro runkhdo. der n lagaila bahnai men, pur a rayo dhunkdo. saghlan ri hai dasha ek, kun kin nai ay bachavaila?
4. khinabhar ri nahin der khataila, nahin bahano chalaila. maut bakaryan jano padsi, kun tharo pakh jhalaila? 'buddha' dharam rakhvalo, adi-biriyan hath bantavaila..