मन म्हारो महकायो,
Man Mharo Mahkayo,
1624
मन म्हारो महकायो, — Lyrics
मन म्हारो महकायो, गुरुवर रायचन्द-चरणां में, शरणो पा हरसायो। मन म्हारो महकायो।।
१. चतरोजी रा कुळ-उजियाळा, कुशलांजी रा जाया, मोटी रावलियां अवतरिया, भिक्षु-चरण में आया, मात साथ संयम व्रत धारयो, समता-पथ अपणायो।
२. स्वामीजी रै पाट तीसरै, भारी ठाट लगाया, निर्भय मन, ओजस्वी वाणी, सबल सुहाणी काया, दूर दूर विचस्था मनबळिया, जस झंडो फहरायो।
३. थळी क्षेत्र में पहली , धार्मिक फसल उगाई, सीची ओर संवारी धरती, हरी-भरी लहराई, द्रव्य भाव दोनूं स्थितियां में, रुपग्यो उन्नति-पायो।
४. संत सत्यां री संख्या बढ़गी, क्षेत्र मोकळा बढ़ग्या, पुनवानी रो पार नहीं हो, जन-मन शिखरां चढ़ग्या, 'बुद्ध' हुयो शासन रो गौरव, अपणै आप सवायो।
Roman Transliteration
man mharo mahkayo, guruvar rayachanda-charnan men, sharno pa harsayo. man mharo mahkayo..
1. chatroji ra kul-ujiyala, kushlanji ra jaya, moti ravliyan avatriya, Bhikshu-charan men aya, mat sath sanyam vrat dharyo, samta-path apanayo.
2. svamiji rai pat tisrai, bhari that lagaya, nirbhay man, ojasvi vani, sabal suhani kaya, dur dur vichastha manabliya, jas jhando phahrayo.
3. thali kshetra men pahli , dharmik phasal ugai, sichi or sanvari dharti, hari-bhari lahrai, dravya bhav donun sthitiyan men, rupagyo unnati-payo.
4. sant satyan ri sankhya badhgi, kshetra mokla badhagya, punvani ro par nahin ho, jan-man shikhran chadhagya, 'buddha' huyo shasan ro gaurav, apanai ap savayo.