मत कर तूं विश्वास सांस रो कद चलतो ओ रुक ज्यावै,
Mat Kar Tun Vishvas Sans Ro Kad Chalto O Ruk Jyavai,
1693
मत कर तूं विश्वास सांस रो कद चलतो ओ रुक ज्यावै, — Lyrics
मत कर तूं विश्वास सांस रो कद चलतो ओ रुक ज्यावै, कूर काल रे चक्कर स्यूं कोई भी निकल नहीं पावै।स्थायीपद।।
पक्यो पान, ओ पतो नहीं कद डाली स्यूं गिर ज्यावै धर्म कमाई करलै झटपट क्यूं तूं समय गमावै,। लम्बी लम्बी आशावां में,—2 क्यूं ओ चितड़ो डोलावै।।1।।
ओ जग एकं मुसाफिरखानो स्थिर नहीं अठै ठिकाणो, जो आयो है इण दुनिया में पड़सी उणनै जाणो, अपणो और परायो कहकर,-2 राग-द्वेष क्यूं पनपावै।।2।।
जीवन भर तूं दौड़ लगावै धन में बण्यो दिवानो सात पीढ़ियों री कर चिन्ता निशि दिन भरै खजानो, पिण कोडी नहीं चाले सागै,-3 बात सही क्यूं बिसरावै।।3।।
कांटो बण दूजा रे पथ में क्यूं तूं कर्म कमावै पाप उदय में आसी जिण दिन कोई बचा न पावै गुण सुमनां री मधुरी सौरभ,-2 क्यूं नहीं जग में महकावै।।4।।
इण छोटे जीवन में कोई री क्यूं करै बुराई, अपणै हाथां स्यूं औरां री कर तूं सदा भलाई, 'विजय' प्रेम समता रो साचो,-2 पथ तुझनै है दिखलावै।।5।।
Roman Transliteration
mat kar tun vishvas sans ro kad chalto o ruk jyavai, kur kal re chakkar syun koi bhi nikal nahin pavai.sthayipad..
pakyo pan, o pato nahin kad dali syun gir jyavai Dharm kamai karlai jhatapat kyun tun samay gamavai,. lambi lambi ashavan men,—2 kyun o chitdo dolavai..1..
o jag ekam musaphirkhano sthir nahin athai thikano, jo ayo hai in duniya men padsi unanai jano, apano aur parayo kahakar,-2 rag-dvesh kyun panpavai..2..
jivan bhar tun daud lagavai dhan men banyo divano sat pidhiyon ri kar chinta nishi din bharai khajano, pin kodi nahin chale sagai,-3 bat sahi kyun bisravai..3..
kanto ban duja re path men kyun tun Karm kamavai pap uday men asi jin din koi bacha n pavai gun sumnan ri madhuri saurabh,-2 kyun nahin jag men mahkavai..4..
in chhote jivan men koi ri kyun karai burai, apanai hathan syun auran ri kar tun sada bhalai, 'vijay' prem samta ro sacho,-2 path tujhnai hai dikhlavai..5..