चन्दना-महावीर रो प्रसंग
Chandana-Mahavir Ro Prasang
590
चन्दना-महावीर रो प्रसंग — Lyrics
चन्दना-महावीर रो प्रसंग (तीन गीतों में संलग्न) उभी बीच बाजार चंदना, याद करै अपणी काणी, कर्म करे सो पड़े भुगतणा, साची आ प्रभु री वाणी।।
राजघराणे में जन्मी खुशियां मैं सदा मनाती, सुण म्हारी आवाज दासियां झट स्यूं दोड़ी आती, एक दिवस यूं बेची जास्यूं, आ मैं कदे नहीं जाणी।।
माता मरी जीभ खेंची नै, साथ छूटग्यो सारो, एक अकेली खड़ी दीन ज्यूं, कोई नहीं सहारो, सब दिन हुवै न एक सरीखा, झूठो गरव करै प्राणी।।
कर्म बड़ा बलवान मिनख नै कै कै नाच नचावै, धन वैभव अरु महल मनोहर मिट्टी में मिल ज्यावै, सात पीढ़ियां तक री चिन्ता, व्यर्थ करै नर आज्ञानी।।
दूजां ने दे दोष रोष भी करे मिनख औरां पर, है अफसोस कर्म रो कर्ता झांके है नहीं भीतर, कर्म हंसावे और रुलावे, बात न कोई स्यूं छानी।।
तूं जो बांध्या कर्म अबै बे निश्चित भोग्यां सरसी, इण बिरियां समता राख्यां ही 'विजय' नावड़ी तिरसी, वीर वृत्ति स्यूं समय गुजारूं, कायरता हे नहीं ल्याणी।।
Roman Transliteration
chandana-Mahavir ro prasang (tin giton men sanlagna) ubhi bich bajar chandna, yad karai apani kani, Karm kare so pade bhugatna, sachi a Prabhu ri vani..
rajaghrane men janmi khushiyan main sada manati, sun mhari avaj dasiyan jhat syun dodi ati, ek divas yun bechi jasyun, a main kade nahin jani..
mata mari jibh khenchi nai, sath chhutagyo saro, ek akeli khadi din jyun, koi nahin saharo, sab din huvai n ek sarikha, jhutho garav karai prani..
Karm bada balvan minakh nai kai kai nach nachavai, dhan vaibhav aru mahal manohar mitti men mil jyavai, sat pidhiyan tak ri chinta, vyartha karai nar ajnani..
dujan ne de dosh rosh bhi kare minakh auran par, hai aphasos Karm ro karta jhanke hai nahin bhitar, Karm hansave aur rulave, bat n koi syun chhani..
tun jo bandhya Karm abai be nishchit bhogyan sarsi, in biriyan samta rakhyan hi 'vijay' navdi tirsi, vir vritti syun samay gujarun, kayarta he nahin lyani..