चंदेरी रो संत
Chanderi Ro Sant
589
चंदेरी रो संत — Lyrics
चंदेरी रो संत
ओ जुग जुग रो अमर उजालो भिक्षु शासन को रखवालो, हरदम भगतां ने भगवान ज्यूं दुलारो लागी, म्हानै चंदेरी रो सन्त प्यारो-प्यारो लागे।।
प्रेम दिवानी मीरा रो सर्वस्व सदा घनश्याम हो, पवनांगज रै जीवन रो मोटो आलम्बन राम हो, अरजुन रै सांसा रो साथी गीता-ज्ञान ललाम हो, बाबै भीखण रै प्राणां में महावीर रो नाम हो। तुलसी हार हिया रो म्हारो, अर्पित तन-मन जीवन सारो, प्यासे माणस नै पाणी ज्यूं प्राण-पियारो लागै।।१।।
नयो नयो देवै नित दरसण नई दिखावै रचनावां, तौर-तरीको नीको देखो बणै सुनहली घटनावां, लीकां लीक न चालै विल्कुल पावै नव-नव उपमावां भूत कमावै अम्बर दूझे हौवे अमरित बिरखावां। गावां कुण कुणसी गाथावां मुल्कां महाकावां महिमावां, लख-नया प्रवर्तन-तीर्थङ्कर उणिहारो लागै।।२।।
घोर विरोधां ने भी समझे मधुर विनोदां री धारा, मन पर छाये अंधारे में चम-चम चमकावै तारा, निन्दा रा ऊंचा फटकारा मानै झालर झणकारा, वाधावां ने गिणे सदा ही प्रगति करण री मनुहारां। सारो काम बड़ो अलबेलो, जुड़ज्या बिना बुलायां मैलो, सब छोटा-मोटा मिनखां रो सबल सहारो लागै।।३।।
नयो मोड़, अणुव्रत आंदोलन जनता आगे माल धर्यो, संस्कार-निर्माण समिति रो सर्वोदय घर खड़ो कर्यो, प्रेक्षा-ध्यान तनाव रोग रो इंजेक्शन है हर्यो-भर्यो, चमत्कार सो निरख नजारो सब लोगों रो हृदय-ढर्यो। बोलो के-के माल गिणावां, किसो किसो सामान बतावां, पूरा काफिलो देख्यां-मोटो बिणजारो लागै।।४।।
दोनूं हाथां खूब लुटावै भर देवै खाली प्याली, वंशी की जद टेर हुवे पतझड़ में छावै हरिया मन मोहक मूरत नै देख्यां मुंह पर आवै खुशहाली, जयवन्तो ओ शासन इण में सदा रवै है दीवाली। जोगी जन सी जबर कहानी, साची सतजुग री सहनाणी, मुनि 'मोहन' ने मोहन-भ्राता मोहनगारो लागै।।५।।
Roman Transliteration
chanderi ro sant
o jug jug ro amar ujalo Bhikshu shasan ko rakhvalo, haradam bhagtan ne Bhagwan jyun dularo lagi, mhanai chanderi ro santa pyaro-pyaro lage..
prem divani mira ro sarvasva sada ghanashyam ho, pavnangaj rai jivan ro moto alamban Ram ho, arajun rai sansa ro sathi gita-jnan lalam ho, babai Bhikhan rai pranan men Mahavir ro nam ho. Tulsi har hiya ro mharo, arpit tan-man jivan saro, pyase manas nai pani jyun pran-piyaro lagai..1..
nayo nayo devai nit darasan nai dikhavai rachnavan, taur-tariko niko dekho banai sunahli ghatnavan, likan lik n chalai vilkul pavai nav-nav upamavan bhut kamavai ambar dujhe hauve amarit birkhavan. gavan kun kunsi gathavan mulkan mahakavan mahimavan, lakh-naya pravartan-tirthankar uniharo lagai..2..
ghor virodhan ne bhi samjhe madhur vinodan ri dhara, man par chhaye andhare men cham-cham chamkavai tara, ninda ra uncha phatkara manai jhalar jhankara, vadhavan ne gine sada hi pragti karan ri manuharan. saro kam bado alabelo, judajya bina bulayan mailo, sab chhota-mota minkhan ro sabal saharo lagai..3..
nayo mod, Anuvrat andolan janta age mal dharyo, sanskar-nirman samiti ro sarvoday ghar khado karyo, Preksha-dhyan tanav rog ro injekshan hai haryo-bharyo, chamatkar so nirakh najaro sab logon ro hriday-dharyo. bolo ke-ke mal ginavan, kiso kiso saman batavan, pura kaphilo dekhyan-moto binjaro lagai..4..
donun hathan khub lutavai bhar devai khali pyali, vanshi ki jad ter huve patajhad men chhavai hariya man mohak murat nai dekhyan munh par avai khushhali, jayavanto o shasan in men sada ravai hai divali. jogi jan si jabar kahani, sachi satjug ri sahnani, Muni 'mohan' ne mohan-bhrata mohangaro lagai..5..